Psalme

104 Ich wil Yeehoowa loope. Oo Yeehoowa, mayn Kot, tuu pist seer kroos. Mit maxisteet un klans pist tuu aan ketsoo. 2 Tuu iwer tsiist tich mit een licht mantel. Xpanst te himel aus wii een tuch. 5 Eyer hot ti eyert uf sayn funtamënt kextelt; Tii wërt nii net fon sayn plats wech kehoolt. 12 Tat is woo ti fechel woone; Un khan ma sayn liit heere tswixich ti tike pleter. 13 Fon Tayn tsimer, kans hooch, tuust tuu ti përiche nas mache. Ti eyert is sat mit ales was tuu kepst. 14 Fer tas fii, machst tuu kraas wakse; Un fer ti mënxe, plantse. Fon te eyert, machst tuu ese khome: 15 Te wayn woo tëm man sayn hërts frayt; Ti eel, woo tas kesicht klense macht; Un tas proot, woo tëm man sayn hërts ferxtërkt. 24 Wii fiil sin tayn aarwayte, oo Yeehoowa! Tuu host ales mit kluucheet kemacht. Ti eyert is fol mit tayn aarwayte. 25 Tat is tas meer, soo kroos un prayt, Fol kleene un kroose tiere — soo fiil tas ma se net al tseele khan. 27 Tii al waarte uf tich, Tas tuu se in te richtich tsayt fiitere tuust. 28 Tii samele was tuu tëne kepst. Wëns tuu tayn hant uf machst, wëre se saat fon kuute tinge. 29 Wëns tuu tayn kesicht ferxtekelst, sin se unruych. Wëns tuu tëne sayn kayst wech nëmst, xtërpe se un kheen tsum xtaap tsurik. 30 Wëns tuu tayn kayst xikst, wëre se erxaft, Un tuu kepst een naye leepe tsu te eyert. 31 Yeehoowa sayn hërlichkheet tuut fer imer hale. Yeehoowa tuut sich fraye mit sayn aarwayte. 33 Ich wëre fer Yeehoowa singe mayn leepe lang; Ich wëre fer mayn Kot loope singe soo lang wii ich leepe.