Xpriiche

2 Los ti anere tich loope, un net tayn aychne munt; Los tas ti anere tas mache tuun, un net tayn aychne lipe. 5 Es is peser ti tisipliin ufrichtich kepe wii ti liip ferxtekelt hale. 6 Troy sin ti wee woo een fraaynt macht, Awer fiile sin ti khuse woo te faynt kept. 9 Eel un insëns fraye tas hërts, Kraat soo wii ti siis fraayntxaft woo fon een eerlich aanreet khomt. 10 Los net tayn fraaynt im xtich, aach net tayn fater sayn fraaynt, Un kee net tsu tas haus fon tayn pruuter wëns tuu een katastroof mit machst; Es is peser een nochper woo ticht woont, wii een pruuter woo wayt woont. 11 Say kluuch, mayn soon, un mach mayn hërts froo, tas ich khan een antwort kepe fer tee woo mich pelayticht. 12 Ti kluuch persoon siit te kefoer un ferxtekelt sich; awer ti unferninfticher keen foran un layte ti xtroof. 17 Soo wii ayse xlayft ayse, Soo xlayft eene man sayn fraaynt. 21 Soo wii te xmelse tus fer tas silper is un te xmelse owe fer tas kolt is, Soo wërt te persoon keproopt mim loop woo eyer kriit. 23 Tuu solst kuut khëne wii tayn trop xeef aus siit. Phas tayn xeef kuut uf,