Filiper

2 Soo macht mayn frooheet komplët, wayl teyer tas selwiche tenkt un hot te selwich liip, un say al eenich un hot ti selwiche ketanke 3 Tuut niks weeche xtrayt orer hoochmuut mache; awer mit teemuut, tenkt tas ti anere kreeser wii aych selepst sin, 4 un suucht net ploos ayre aychne interese, awer aach ti interese fon te anere. 5 Xtelt aych aan soo wii Yeesus Kristus sich aan kextelt hot: 6 opwool eyer wii Kot waar, hot eyer net ketenkt Kot sayn plats fer sich nëme, in anere wërter, sich kraat soo wii Kot mache. 7 Nee, kans anerste: tee hot im xtich kelos ales was eyer hat, un is een sklaaw un een mënx kep. 8 Mee wii tas, wii tee wii een mënx khom is, hot eyer sich selepst kleen kemacht un hot aan keheert pis tsum toot, yaa, een toot aan een phoste. 9 Tes weeche, hot Kot tee in een heecher xtel ferhërlicht un mit kuutheet tëm te naame kep woo iwer ale anere naame is. 10 tas, foer Yeesus sayne naame, ale kniie sich piie sole — fon tii woo im himel sin, uf ti eyert un unich tëm pootem — 11 tas se al sole erkhëne tas Yeesus Kristus te Hër is, fer Kot, te Fater, sayn hërlichkheet. 12 Tës weeche, mayne keliipte, soo wii tëyer imer aan keheert hot, nët ploos in te tsayt woo ich too waar, awer fiil perayt wilicher, yets woo ich nët too sin, tuut wayter ayer aychne rëtung mit rexpëkt un tsitere aan xafe. 13 Wayl Kot is Tee woo, soo wii es tëm kefalt, is in aych am xafe, un kept aych te wunx un ti kraft fer in krayfe. 16 halt aych kans fest aan tas wort fom leepe. Soo tuun ich een uersach hon fer mich aan Yeesus sayn taach se fraye, wayl ich net umsonst kexprung sin un ich hon mich net umsonst aan kextrëngt hon. 17 Awer, aach wën ich wii een ketrenk opfer aus kexut kep sin iwer tas opfer un iwer tas hayliche tiinst woo fon ayer klaape khomt, tuun ich mich fraye un mayn frayt mit teyer al aus teele. 19 Ich hofe im Hër Yeesus aych klaych Timoteus xike, tas ich tan uf kemuut wëre wën ich kuute notisye iwer aych kriin. 20 Wayl ich hon nimant woo sich soo wii eyer aan xtelt, woo aych wërklich uf phase tuut. 21 Wayl ti anere al keen noo tsu sayn aychne interese, net ti interese fon Yeesus Kristus. 22 Awer iir khënt ti pewaysung fon sayn kuut aarwayt: eyer hot mit mich wii sklaaw kexaft — soo wii een khint mit sayn papa — fer ti kuute notisye pekhant mache. 29 Soo nëmt tëm aan wii teyer keweent sayt aan nëme te Hër sayn nookeener, mit fiil frooheet. Un kept imer fiil weyert fer soo sorte mëner,