Yoop
38 Tan hot Yeehoowa im wint xtorm Yoop keantwort: 2 Weer is tee woo mayn opjetiwe fertunkelt un xprecht oone khëntnis? 3 Pite, richt tich in wii eene man; Ich tuun tich frooche mache, un tuu tuust mich antworte. 4 Woo waarst tuu wii ich tas funtament fon te Eyert keleet hon? Saa mich, wëns tuu tenkst tas tuu etwas weest. 5 Weer hot se kemest, wëns tuu es weest? Orer weer hot een moos xtrik um tii rom kexpant? 6 In was sin sayn funtamente kesetst kep, Orer weer hot sayn ek xteen keleet, 7 Wii ti moynts xtërne mitsamer froo keyukst hon Un Kot sayn kanse soone iim mit frayt keloopt hon? 8 Un weer hot tas meer mit teere kexlos Wii tas pletslich fom muterlayp raus khom is, 9 Wii ich tas mit wolke aan ketsoo hon Un tas mit tunkele xate in kewikelt hon, 10 Wii ich mayn krëns fer tas fest kextelt hon Un sayn teere un xlose ketuun hon, 11 Un ich kesaat hon: ‘Tuu khanst pis too hiir khome, net wayter; Too hiir sole tayn hoochmuutiche weele aans ën keen’? 22 Pist tuu im plats rin kang woo ich te xnee uf raume, Orer host tuu kesiin tas plats woo ich ti xlose uf raume, 23 Woo ich uf keraumt hon fer ti unruyche tsayte, Fer te taach fon khampf un fon kriich? 32 Khanst tuu mache tas een konstelatsyoon in sayn yoertsayt raus khomt, Orer khanst tuu ti konstelatsyoon fon As mit sayn soone fiire? 33 Khënst tuu ti kesetse woo te himel rechiire, Orer khanst tuu tëne sayn autoriteet iwer ti eyert xtele? 34 Khanst tuu ti wolke ruufe Un mache tas se tich mit reen tsu teke? 35 Khanst tuu plitse xike? Meechte se khome un tich saan: ‘Hiir sin mer!’?