1te Samuël

2 Too saat Ana in kepeet: “Mayn hërts frayt sich aan Yeehoowa; aan Yeehoowa tuut mayn kraft sich ferkreesere. Mayn munt macht sich uf keeche mayn faynte, wayl ich mich fraye in tayn aktsyoone fon retung.” 2 Nimant is haylich soo wii Yeehoowa; es kept khee anere heechstens tuu, un es kept khee fels soo wii unser Kot. 3 Xprecht net wayter in een hoochmuutich aat; lost net hoochnaasiche wërter fon ayre munt raus khome, wayl Yeehoowa is een Kot fon khëntnis, un eyer tuut ti aktsyoone richtich noo kuke. 4 Ti pooche fon ti xtarke sin ferproch, awer tii woo xtolpere sin ferkreft. 5 Tii woo sat waare mise xafe fer tas proot, awer tii woo ferhungert waare, hon khee hunger mee. Ti unfruchtpar hot siwe khiner kriit, awer tii woo fiile khiner hat waar unketreest. 6 Yeehoowa nëmt tas leepe wech un halt tas leepe; Eyer macht tas te mënx tsum Kraap keet un macht tas eyer aus tëm raus khomt. 7 Yeehoowa lost aarm wëre un macht raych; eyer xtelt niter, un eyer heept uf. 8 Te aarme heept eyer uf fom xtaap; fon te haufe ex heept eyer tëm uf, tas se sich setse mit ti prinse, un kept tëne een plats woo eer kept. Tsu Yeehoowa keheere ti krunt phayle fon te eyert un iwich tëne setst eyer tas fruchtpar lant. 9 Eyer xits ti xrite fon tii woo leaal sin, awer ti xlechte wëre ruych kemacht in te tunkelheet, wayl te mënx kewint net torich sayn aychne kraft. 10 Yeehoowa tuut tii woo keeche tëm khëmpfe fernichte; Tuut keeche tii fom himel aan tunere. Yeehoowa tuut pis tsum letste ek fon te eyert richte, Tuut macht fer sayn kheenich kepe Un tuut ti kraft fon sayn kesalpter ferkreesere.” 19 Un sayn muter hot fer tëm yeetes yoer een kleene mantel oone ëermel kemacht, un fer tëm kenom, wii se mit sayn man ruf kang is fer tas yoer opfer mache. 30 (...) Awer yets saat Yeehoowa: “Tas tuut nii pasiire! Wayl ich eere tii woo mich eere; awer tii woo mich oone respekt pehantele, wëre oone respekt pehantelt.”