Lukas

15 Wii se am fertseele un iwer tiise tinge am xpreche waare, is Yeesus selepst tichter khom un hot aan kefang mit tëne keen, 16 awer tëne sayn aue sin um kehal kep tëm erkhëne. 18 Eene fon tëne, woo Klëopas keheest hot, hot tëm keantwort: “Pist tuu een frëmte woo aleen in Yeruusalem leept? Wii soo weest tuu net was fer tinge tat in te letste taache pasiirt sin?” 19 Tee hot se kefroot: “Was fer tinge?” Tii hon keantwort: “Ti tinge woo se tuun hon mit Yeesus, te Nasareener. Tee hot foer Kot un ti kanse layt ketsaycht tas eyer een xtarke profeet is in aktsyoone un wërter. 20 Unser haupste priister un fiirer hon tëm ap kep fer mim toot kextrooft wëre un hon tëm uf een kweel phoste aan kenaachelt. 21 Awer meyer hon kehoft tas eyer ti pefrayung fer Israël pringe teet. Tas is xon yets te trite taach tsayt tas ales pasiirt is. 22 Un etliche fraae tswixich uns hon uns ferxrok kelos. Tii sin frii tsum kraap kang 23 un hon net tëm sayn khërper kefun. Too sin se tsurik khom un hon fertseelt tas se engele kesiin hon woo kesaat hon tas eyer am leepe is. 24 Tan sin etliche tswixich uns tsum kraap kang un es waar kraat soo wii ti fraae kesaat hate. Awer tii hon Yeesus net kesiin.” 25 Soo hot eyer tëne kesaat: “Teyer hot wërklich khee ferxtëntnis! Teyer sayt soo lamsam fer se klaape aan ales was ti profeete saan! 26 Waar tas net neetich tas Kristus soo fiil layte mist fer in sayn hërlichkheet rin khome?” 27 Tan, fon Mooses un ale Profeete aan, hot eyer aus keleet was iwer tëm kesaat waar in te kanse Xrifte. 30 Un, wii eyer mit tëne am ese waar, hot eyer tas proot kehool, hot ketankt, hot tas ferproch un aan kefang tas fer tëne kepe. 31 Weeche tas, sin tëne sayn aue kans uf kang un tii hon tëm erkhënt; awer eyer is foer tëne ferxwun. 32 Un tii hon eene tsum anere kesaat: “Hot unser hërts net keprënt wii eyer uf tëm weech mit uns kexproch hot un uns ti Xrifte kans aus keleet hot?” 34 woo kesaat hot: “Es is sicher tas te Hër uf keruuft waar un tsu Simon tsum foer xayn khom is.” 36 Wii se noch iwer tiise tinge am xpreche waare, is Yeesus selepst tswixich tëne tsum foer xayn khom un hot tëne kesaat: “Te friit sol mit aych sin.” 37 Awer tii hon sich ferxrok un pang kriit, wayl se ketenkt hon tas se een kayst am siin waare. 44 Tee hot tan fer tii kesaat: “Tas sin mayn wërter, woo ich fer aych saat in te tsayt wii ich noch pay aych waar: ti kanse tinge woo iwer mich kexrip sin, in Mooses sayn Kesets, in te Profeete un in te Psalme, mise sich erfiile.” 45 Tan hot eyer sayne ketanke uf kemacht, tas se ti petaytung fon te Xrifte ferxteen khente. 52 Tii hon sich foer tëm kepikt un sin tsurik tsu Yeruusalem kang mit kroos frooheet. 53 Un tii waare imer im thempel Kot am loope.