2te Pheeter

2 (…) te weech fon te woerheet. 3 Aach, weeche sayn kiirichkheet, tuun se aych mit hinerlistiche wërter aus nutse... 4 In woerheet, Kot hot sich net tsurik kextelt fer ti ëngele woo kesint hon xtroofe, awer tee hot tëne im Tartarus hin keworef, un mit khërte tii aan kepun in tiif tunkelheet un sin se uf kehoop fer tas kericht. 5 Tee hot sich net tsurik kehal fer een friiriche welt se xtroofe, awer hot Noee, een preeticher fon te kerechtichkheet, mit siwe anere, keret wii tee een sintfluut iwer een welt fon xlechte layt keprung hot. 7 Awer tee hot te kerechte Lot pefrayt, woo aarich ëngstlich kep is weeche ti ausferxeemt aanxteelung fon te xlechte. 8 Wayl, taach tsu taach, hot tiise kerechte man sayn kerecht seel kekweelt weeche ti aktsioone keeche tas kesets woo tee kesiin un keheert hot wii eyer tswixich tëne kewoont hot. 9 Soo, Yeehoowa wees fon proope fray se mache, tii woo tëm troy sin, awer ti unkerechte heept tee uf fer im kerichte taach fernichte, 10 hauptseechlich tii woo noo te unrayn winxe fom flayx keen un woo ti autoriteet neewe lose. Wayl se ausferxeemt un hoochnaasich sin, hon se khee pang fer xlecht xpreche iwer tii woo eer fertiine. 11 Noch soo, weeche respekt tsu Yeehoowa, tuun ti engele — opwool se xtërker un mechticher sin — tëne net mit xlechte wërter akusiire. 12 Awer tiise mëner, woo soo wii wilte tiere sin woo net tenke khene, un woo uf te welt khome fer kefang un fernicht sin, tuun xlecht xpreche iwer sache woo se net khëne. Tii wëre fernicht weeche sayn aychne unrayn aanxtelung, 19 Opwool se tëne frayheet ferxpreche, sin se selepst sklaawe fon te unraynheet; wayl yeete eene woo fon yemant ap kewun is wërt sayn sklaaw sin. 20 In woerheet, wën se fon te xlechte tinge fon te welt fray kep sin, torich ti kenau khëntnis fom Hër un Reter Yeesus Kristus, un sich noch mool in tiise selwiche tinge rin mexe un wëre ap kewun, tan wërt tëne sayn situatsyoon am ën xlimer wii am aanfang . 21 Weyer peser fer tëne wën se net kenau te weech fon kerechtichkheet kekhënt hëte, wii noo te weech khene, sich ap lenke teete fon tëm hayliche kepoot woo se kriit hon.