Psalme

62 Yaa, ich waarte ruych uf Kot. Mayn retung khomt fon iim. 2 Ploos eyer is mayn fels un mayn retung, mayn sicher xuts plats; Ich wëre nii kans um kexmis kepe. 5 Ich waarte ruych ploos uf Kot, Wayl mayn hofnung fon tëm khomt. 6 Tee is wërklich mayn fels un mayn retung, mayn sicher xuts plats; Ich wëre nii kexiitelt. 7 Mayn retung un eer hënge fon Kot ap. Kot is mayn xtarke fels, mayn xuts plats. 8 Trau uf iim in ale tsayte, oo folek. Foer iim, xiit ayre hërts aus. Kot is fer uns een xuts. 10 Ferlost aych net aan kelt fon unertrikung un traut net aan kextooltne tings. Wën tayn raychtum sich ferkreest, tuu net tayn hërts too traan. 11 Kot hot een mool kesaat, un ich hon tswaay mool keheert: Ti kraft keheert tsu Kot.