Markus

1 Aanfang fon te kuute notisye iwer Yeesus Kristus, Kot sayn Soon. 9 In tiise taache, is Yeesus fon Nasarë fon Kalilëya khom, un is ketaaft woer fon Yoohan, im Yortan. 10 Klaych wii eyer aus tëm waser raus kang is, hot eyer kesiin te himel uf keet un te kayst runer khome wii een taup iwich iim. 11 Een xtim is aus te himel khom: “Tuu pist mayne soon, mayne keliipte; tuu kefalst mich.” 12 Un klaych tëm noo, hot te kayst tëm tsum tesërt kelenkt. 13 Tee is 40 taache im tesërt keplip un Satanaas hot tëm fersuucht. Tee hot tswixich te wilte tiere keleept, awer ti engele hon tëm ketiint. 14 Un tan, nochter wii Yoohan in kexpërt kep is, is Yeesus in Kalilëya rin kang, un waar ti kuute notisye fon Kot am preetiche 15 un saat: “Ti pextimtne tsayt is khom, un Kot sayn Raych is ticht. Raut aych un klaapt aan ti kuute notisye.” 16 Wii tee lënkst te Kalileya Meer am laafe waar, hot tee, Simon un Antrë, Simon sayn pruuter, kesiin sayn netse im meer am xmayse, wayl se fixer waare. 17 Tan, hot Yeesus fer tëne kesaat: “Khom mich noo un ich mache tas teyer fixer fon mënxe wërt.” 18 Un tii hon ti netse klaych hiner kelos un sin tëm noo kang. 29 Nochter sin se fon ti sinakook raus kang, un sin mit Tyako un Yoohan tsu Simon un Antrë sayn haus kang. 30 Un Simon sayn xwiichermuter waar im peet kewees wayl se fiiwer hat, un ti hon klaych tas fer Yeesus kesaat. 31 Tee is tsu tii kang, hot se aan ti hant kehool un hat se uf kextelt. Ti fiiwer is rom kang, un tii hot aankefang tëne se petiine. 32 Foer nacht, noo ti sun unerkang, hon ti layt ti kanse kranke un layt woo temoone in sich hate tsu tem kenom; 33 Un ti kans xtat waar foer te teer fersamelt. 34 Soo hot eyer fiile layt keheelt, woo weeche unerxiitliche krankheete kelit hon. Tee hot aach fiile temoone aus ketrip; awer tee hot net kelos tas ti temoone xpreche teete, wayl tii wuste tas eyer Kristus waar. 35 Moynts frii, wiis noch tunkel waar, is eyer uf kextii, raus kang un ufm apkeleechen plats kang, un tat hot tee aan kefang se peete. 38 (...) wayl weeche tas sin ich khom.” 40 Een man, woo lëpra hat, is aach ticht tsu tëm khom, hot sich keknii un aan kehalt: “Wëns tuu ploos wilst, khanst tuu mich rayn mache.” 41 Wii ëyer tas kesiin hot, hot er tee ketauert; un hot sayn hant aus kextrëkt, te man aan kekrif un fer tee kesaat: “Ich wil es! Këp rayn.” 42 Un ti lëpra is klaych fon tëm ferxwun un tee is rayn këp.