Xpriiche

21 Tëm kheenich sayn hërts is wii waser xtroome in Yeehoowa sayn hënt. Tee lenkt es pis woo hin eyer wil. 2 Te mënx tenkt tas ale sayn weeche richtich sin, Awer Yeehoowa kukt ti hërtse noo. 4 Arokante aue un een hoochmuutich hërts; Ti lamp woo ti xlechte fiirt, is ti sint. 5 Tëm flaysicher sayn pleen kepe sicher kuute resultaate. Awer al tii woo aylich sin, kepe sicher aarm. 13 Weer sayn oer tsu macht wën te xwache mënx hilef ferlangt, Tuut khee antwort kriin wën eyer selepst hilef ferlangt. 16 Te man woo sich ap lenkt fon te weech fom ferxtant, wërt ruue in te kemaynxaft fon tii woo kraftlos im toot sin. 19 Es is peser im tesërt woone Wii mit een fraa woo tsënkich un prënsich is. 21 Weer ti kerechtickheet un ti leaale liip suucht, Fint leepe, kerechtichkheet un eer. 23 Weer sayn munt un tsung uf phast, playpt fon ti propleeme fray. 30 Es kept khee kluucheet, khee ferxtëntnis, khee aanreet woo keeche Yeehoowa keen khan. 31 Te kaul is foer perayt fer te taach fom khampf, Awer ti retung khomt fon Yeehoowa.