Axeu
3 ‘Is noch yemant tswixich aych woo tiise haus in sayn friirix hërlichkheet kesiin hot? Was mënt teyer iwer wii tas yets aus siit? Ferklaycht mit friier, siit tas wii kaar niks aus, kël?’ 4 “Awer yets say xtark, Soropapël — saat Yeehoowa — un say xtark Yosuee, hooche priister, soon fon Yeosatak’. “‘Un sayt xtark, teyer al, layt fon tiise lant — saat Yeehoowa — un xaft’. “‘Wayl ich sin mit aych’, saat Yeehoowa fom militeer. 5 ‘Erinert aych fon was ich aych ferxproch hon wii teyer fon Ejipt raus kang sayt; mayn kayst playpt wayter tswixich aych. Tuut khee pang hon.’” 6 “Soo saat Yeehoowa fom militeer: ‘Noch een mool — in een khorts tsayt — xiitele ich te himel, ti eyert, tas meer un tas trokne lant.’ 7 “‘Un ich tuun ti kanse natsyoone xiitele, un ti weyertliche tinge fon ale natsyoone tuun rin khome; un ich tuun tiise haus mit hërlichkheet fol mache’, saat Yeehoowa fom militeer. 8 “‘Tas silper is mayn un tas kolt is mayn’, saat Yeehoowa fon militeer. 9 “‘In te futuer, wërt ti hërlichkheet fon tiise haus kreeser wii foer heyer’, saat Yeehoowa fom militeer. “‘Un in tiise plats, tuun ich friit kepe’, saat Yeehoowa fom militeer. 19 (...) Fon hayt aan, tuun ich aych seechne.’” 20 Am 24te taach fom moonat, hot Axeu tas tsweete mool Yeehoowa sayn wort kriit: 21 “Saa fer Soropapël, kowernatoer fon Yutaa: ‘Ich tuun te himel un ti eyert xiitele. 22 Ich tuun ti rechiirunge sayn troon tsum ën pringe un ti kraft fon te natsyoone sayn rechiirunge fernichte; ich tuun ti kriich ween un tii woo tëne faare fernichte; ti kayl un sayn rayter tuun fale, yeete eene weeche ti xwaart fon sayn pruuter.’”