Malakias

3 ”‏Kukt! Ich tuun mayn pexeetsman xike, un eyer tuut te weech foer mich foer perayte. Un pletslich tuut te woere Hër, woo iir suucht, tsu Sayn thempel khome; un te pexeetsman fon pakt, woo aych kefalt, tuut khome. Kukt! Eyer tuut sicher khome”‏, saat Yeehoowa fons militeer. 6 “Wayl ich sin Yeehoowa; ich tuun mich net enere. Un teyer sayt Yaakop sayn soone; teyer sayt noch net tsu ayre ën khom. 7 Khomt retuer tsu mich, un ich tuun retuer tsu aych khome. 10 Pringt tas kanse tseente teel in mayn xop haus tas es esmitel in mayn haus kept; un pite, tuut mich in tiise sache in proop xtele”, saat Yeehoowa fon te militeer, “un kukt op ich net ti flustoore fom himel fer aych uf mache tuun, un op ich net een seechen iwer aych aus xite tuun pis niks mee feelt.” 16 Tan, tii woo tiif respekt tsu Yeehoowa hate, hon eene mit te anere kexproch, yeete eene mit sayn pruuter, un Yeehoowa hot mit acht keheert. Un forich tëm is een aantenke puuch kexrip kep fer tii woo tiif respekt tsu Yeehoowa hate un fer tii woo aan tëm sayn naame traan ketenkt hon. 17 “Tii wëre mayn — saat Yeehoowa fom militeer — im taach woo ich se tsu mayn ekstra aychentum mache. Ich wëre mitlaytich mit tëne sin soo wii een man mitlaytich is mit sayne soon woo iim tiint. 18 Un teyer tuut noch mool te unerxiit siin tswixich ti kerechte un ti xlechte layt, tswixich tëm woo Kot tiint un tëm woo tëm net tiint”.