Kalater

6 Priiter, aach wën yemant, oone se mërke, aan fange tuut in een ferkheerte weech keen, solt teyer, woo kaystlich rayf sayt, fersuuche tiise persoon mit tsaamheet wiiter richtich xtele. Awer yeete eene sol sich selepst uf phase tas eyer aach net fersuucht wërt. 2 Tuut wayter ti laste eene fon te anere nëme, un soo, tuut teyer Kristus sayn kesets aan wëne. 3 Wën yemant tenkt tas eyer etwas is, wën tee in woerheet kaar niks is, tuut eyer sich selepst hinerkeen. 4 Yeete eene sol sayn aychne aktsyoone noo kuke. Un tan, tuut eyer sich fraye ploos weeche was eyer selepst kemacht hot, oone sich mit yemant aneres ferklayche. 5 Wayl yeete eene tuut sayn aychne last traan. 7 Lost aych net hinerkeen — Kot lost sich net ferxpote. Wayl, tas was te mënx seet, tas tuut eyer aach ërnte. 8 Tee woo seye tuut fer te wunx fom flayx erfiile, tuut fon tas fernichtung ernte; awer tee woo seye tuut fer te wunx fom kayst erfiile, tuut fon tas eewiche leepe ernte. 9 Soo, wole mer net noo lose tas kuutes se mache, wayl, wën mer net uf kepe, tuun mer in te richtich tsayt ërnte. 10 Tes weeche, soo lang wii mer ti keleechenheet hon, mache mer tas kuutes fer al, awer hauptseechlich fer tii woo teel fon unser familye im klaape sin. 16 Fer al woo tëm noo tiise reekel leepe, yaa, Kot sayn Israël, winxe ich friit un parmhërtslichkheet. 17 Fon yets am wayter, tas nimant xwiirichkheete keeche mich mache tuut, wayl ich pringe im khërper ti marke fon een sklaaw fon Yeesus.