Richter
16 Eene taach, is Samsan tsu Kasa kang un hot tat een huurer fraa kesiin un is in tëne sayn haus rin kang. 2 Yemant hot fer ti layt fon Kasa kesaat: “Samsan is too.” Tan, hon se sich um tëm rom kextelt un ti kans nacht am tooer fon te xtat kewaart. Tii sin ti kans nacht ruych keplip un hon kepleent: “Wëns hel kept, tuun mer tëm um pringe.” 3 Awer, Samsan hot sich pis mite nacht tat keleet. Tan, is tee um mite nacht uf kextii un hot ti toore fon te xtat mit sayn tswaay phoste un tas xlos raus keris. Eyer hot tii uf sayn xilere ketuun un se ketraan uf te kipel fom përich foer Heprom. 4 Nochter, hot eyer een fraa fom Sorëk taal aarich kërn kehat, woo Talila keheest hot. 5 Tan, ti rechiirente fon te filisteer sin tsu tii khom un hon kesaat: “Tuu Samsan hiner keen un fin raus was tëm soo fiil kraft kept un wii mer khene tëm iwerkhome, tëm fest pine un kewalt iwer tëm hon. Wëns tuu tas machst, tuut yeete eene fon uns tich 1.100 xtike fon silper kepe. 15 Tan, hot se tëm kesaat: “Wii khanst tuu mich saan tas tuu mich liipst, wëns tuu net tayn hërts fer mich uf machst? Tuu host mich xon tray mool net ti woerheet kesaat, fon woo tayn kroos kraft khomt.” 16 Wayl tii taach noo taach tëm keayert un unertrikt hot, is eyer soo leetich kep tas eyer es net mee aus hale khont. 17 Tsum xlus, hot eyer sayn hërts uf kemacht un kesaat: “Aan mayn khop is nii een rasiir meser khom, wayl ich een nasireer fon Kot sin tsayt ich uf ti welt khom sin. Wën mayn hoer ap kexnit wëre, tuun ich mayn kraft ferliire un tuun ich xwach wëre soo wii ti anere mëner.” 18 Wii Talila kemërkt hot tas eyer sayn hërts uf kemacht hot, hot se klaych ti filiistixe rechiirente keruuft un kesaat: “Khomt, wayl eyer hot mich sayn hërts uf kemacht.” Soo, sin ti filiistixe rechiirente mim kelt tsu tii khom. 25 Wayl iire hërts froo waar, hon se kesaat: ”Pringt Samsan hiir, tas eyer uns xpas macht.” Soo, hon se Samsan aus ti katee kehool tas eyer tëne xpas mache solt, un hon kemacht tas eyer tswixich ti phayle xteen plaype solt. 28 Samsan hot tan fer Yeehoowa aan kehal: “Soweraan Hër Yeehoowa, pite, tenk aan mich traan un ferxtërk mich ploos noch tiise mool, pite, oo Kot, un los mich winkans iwer ti filisteer pringe weeche ferweenichst eene fon mayn aue.” 29 Too hot Samsan sich fest kextelt witich te tswaay phayle woo tas haus in te mite kextitst hon — eene mit te recht hant un ti aner mit te link hant. 30 Samsan hot tan kexraayt: “Ich sol mit te filisteer xtërpe!” Tee hot tan ti phayle mit sayn kanse kraft kexupt un tas haus is kefal iwer ti rechiirente un al woo tat waare. Soo ti numer layt woo Samsan um keprung hot wii eyer kextorep is, waar kreeser wii ti numer layt woo eyer torich sayn kanse leepe um keprung hot.