Xpriiche

22 Rechter eene kuute naame wii fiil raychtum; respektiirt wëre, is peser wii silper un kolt. 3 Ti kluuch persoon siit ti kefoer un ferxtekelt sich; Awer ti tume keen wayter un layte ti xtroof. 4 Tas resultaat fon te teemuut un fon te tiif respëkt tsu Yeehoowa is raychtum, hërlichkheet un leepe. 6 Lërn tas khint in, te weech woos keen sol; Aach wën es alt wërt, tuut es sich net too tefun ap lenke. 7 Te rayche hot macht iwer te aarme, Un weer sich etwas poricht, is een sklaaw fon tëm woo keleent hot. 9 Te krooshërtslich persoon wërt keseechent, Wayl tee sayn esmitel mit te aarm teelt. 15 Ti tuumheet is in te khiner sayn hërts, Awer ti ruut fon te tisipliin xaft ti tumheet fon tëne wech. 17 Kep acht un heer ti wërter fon te kluuche, Los mayn khëntnis in tayn hërts rin keen. 19 Ich kepe tich khëntnis hayt Tas tuu uf Yeehoowa traue tuust. 24 Kee net mit tëm woo tsënkich is, Un kee net um mit tëm woo klaych wuutich wërt, 25 Tas tuu nii tëm sayn weech lërnst Un een fal fer tich selepst xtelst. 29 Host tuu een man kesiin woo sayn aarwayt kuut macht? Tee tuut sich foer kheeniche xtele, Net foer keweenliche layt.