Yeeremias

4 “Soo saat Yeehoowa fon te militeer, te Kot fon Israël, fer tas kanse folek woo kefang kenom waar, woo ich fon Yeruusalem tsu Papiloon kefang kenom hon: 5 ‘Paut hayser un woont in tëne. Plantst kaarte un est sayn friichte. 6 Nëmt aych fraae un kriit soone un tochtere. Nëmt fraae fer ayre soone un ferhayrat ayre tochtere, tas se khene aach soone un tochtere kriin. Fermeert aych un lost net ayre numer sich ferkleene. 7 Suucht te friit in te xtat woo ich aych kefang kenom hon un peet tsu Yeehoowa weeche tëne, wayl torich te friit fon te xtat, tuut teyer friit hon. 10 “Wayl soo saat Yeehoowa: ‘Wën 70 yoore in Papiloon rom keen, tuun ich acht fer aych kepe un mayn ferxprechung erfiile fer aych tsu tiise plats noch mool tsurik pringe.’ 11 “‘Wayl ich wees kans kenau was ich fer aych pleene’, saat Yeehoowa. ‘Ich wil tas teyer friit hot, net unklik. Ich wil aych een futuer un een hofnung kepe. 12 Iir wërt mich ruufe un tsu mich in kepeet khome, un ich tuun aych horiche.’