1te Korinter

6 Wën yemant fon aych etwas keeche te aner hot, wii host tuu koraaj fer ufs kericht foer ti unkerëchte keen, un nët foer ti hayliche? 2 Orer wist tëyer nët tas ti hayliche tuun ti wëlt richte? Un wën ti wëlt fon aych kericht wërt, meecht aych nët ti kapasiteet hon fer soo kleene tinge richte? 3 Wist tëyer nët tas mëyer ëngele richte tuun? Tan, warom nët ti tinge fon tiise leepe? 4 Wën tëyer tan tinge fon tiise leepe fer se richte hot, warom tuut tëyer wii richter, mëner raus suuche woo fon te kemaynt nët kuut kesiin wëre? 5 Ich saan tas fer aych tsu te xaam nëme. Meecht khee kluuche man tswixich aych sin, woo khan tswixich ayre priiter richte? 6 Im keeche teel, tuut pruuter keeche pruuter ufs kericht keen, un tas foer tii woo unklaapich sin! 7 In woerheet, hot teyer xon ferloer wën teyer eene te aner ufs kericht nëme tuut. Weyer es net peser ti unkerechtichkheet mit mache? Weyer es net peser mit tëm xaat plaype? 8 Im keeche teel, tuut tëyer unkerëchtichkheet un xaate mache, un tas fer ayre priiter! 9 Orer wist teyer net tas ti unkerechte Kot sayn Raych net ërpe tuun? Tuut aych net hiner keen lose. Tii woo seksuaal imoraalix sin, woo falxe keeter aan peete, woo in te hayrat untroy sin, ti mëner woo sëks mit anere mëner mache, 10 ti xpitspuupe, ti kiiriche, ti sifer, layt woo anere pelaytiche un tii woo anere unertrike fer etwas se kriin, tuun Kot sayn Raych net ërpe. 11 Awer, tas is was etliche fon aych waare. Awer teyer sayt kewext kep; teyer sayt kehaylicht kep; teyer sayt kerecht aus kexproch kep im naame fom Hër Yeesus Kristus un mim kayst fon unser Kot. 12 Ales is erlaupt, awer net ales tuut nutse pringe. Ales is fer mich erlaupt, awer ich tuun net lose tas etwas mich kontroliire tuut. 13 Tas ësmitel is fer te maache, un te maache fer tas ësmitel; awer Kot tuut ale kaar fernichte. Te khërper is nët fer sëksuaal imoraaliteet, awer fer te Hër; un te Hër is fer te khërper. 14 Awer Kot hot te Hër uf keruuft un tuut uns aach, torich sayn macht, fom toot uf ruufe. 16 Wist teyer net tas tee woo sich eenich mit een huure mënx halt, wërt ploos eene khërper mit tëm? Wayl “ti tswaay”, saat eyer, “wëre een flayx”. 18 Tuut fon te seksuaal imoraaliteet aus rayse! Yeete aner sint woo een mënx mache khan, is aus sayn aychne khërper, awer weer seksuaal imoraliteet praktisiirt, tuut keeche sayn aychne khërper sinte.