Lukas

16 Tan, hot eyer aach fer ti tisipele kesaat: “Een rayche man hat een haupst knecht woo akusiirt kep is, wayl eyer te raychtum fon sayn hër xlecht aus kep hot. 2 Soo, hot eyer tëm keruuft un kesaat: ‘Was is tas was ich iwer tich heere? Mach ti aprechnung fon tayn aarwayt, wayl tuu khanst tas haus net mee uf phase.’ 8 Un te hër hot te haupste knecht keloopt, opwool eyer unkerecht waar, wayl eyer hot kluuch kehantelt. Wayl ti khiner fon tiise sisteem fon tinge sin kluucher wën se mit sayn aychne xeneratsyoon um keen mise, wii ti khiner fons licht. 9 “Ich saan aych aach: Macht fraaynte torich ti unkerecht raychtum, wayl wën tiise raychtum feelt, tuun se aych in ti eewiche woonunge aan nëme. 10 Weer in kleene tinge troy is, is aach troy in kroose tinge, un weer unkerecht in kleene tinge is, is aach unkerecht in kroose tinge. 11 Tes weeche, wën teyer net tas unkerecht raychtum troy uf phast, weer tuut uf aych traue fer tas woere raychtum uf phase? 13 Khee tiiner khan sklaaw fon tswaay hëre wëre, wayl tan tuut eyer eene hase un te aner liipe, orer tuut eyer eene kërn hon un te aner net. Teyer khent net sklaawe fon Kot un aach fom Raychtum sin.”