Xpriiche

4 Tee woo khee speryens hot, sol kluuch wëre; Te yunge man sol khëntnis un apiliteet fer triwer noo tenke kriin. 5 Een kluuch persoon heert un lërnt mee too tetsu. Een ferxtëntich mënx sucht kluuche aanreete. 7 Tiif respekt tsu Yeehoowa hon is te aanfang fom khentnis. Ploos ti tume tuun ti kluucheet un ti tisipliin uf sayt lose. 8 Heer, mayne soon, ti tisipliin fon tayne papa Un los net ti inlërnung fon tayn mama im xtich. 9 Wayl tii sin een xeen krans fer tayn khop Un een fayn xmuk fer tayn hals. 10 Mayn soon, wën sintiche mënxe tich lookre wole, los tich net fange. 15 Kee net mit, mayn soon. Sets tayn fus net uf tëne sayn weech. 20 Ti woer kluucheet xraayt uf te xtroose; Tii heept sayn xtim in te ufne pletse fon te xtat. 21 In te eke fon te xtroose woo fiile layt torich laafe, tuut se hart ruufe. Tii saat pay te toore fon te xtat: 22 “Teyer, woo khee speryens hot, wii lang tuut teyer soo plaype? Teyer, woo ti anere xpoot, wii lang tuut teyer aych fraye weeche ti xpooteray? Un teyer, tume layt, wii lang tuut teyer ti khëntnis hase? 23 Nëmt mayn tisipliin aan. Tan, tuun ich mayn kayst iwer aych xite; Ich mache tas teyer mayn wërter khëne lërnt. 24 Ich hon keruuft, awer teyer wolt net heere. Ich hon mayn hant aus kextrekt, awer nimant hot acht kep. 25 Teyer hot mayn kanse aanreete ap kextos Un mayn tisipliin net aan kenom. 31 Tes weeche, tuun se ti resultaate fon sayn aanxtelung ernte Un tuun sat wëre mit sayn aychne pleen. 33 Awer weer mich heert, tuut mit sicherheet leepe; Un tee tuut in ruu plaype, mit khee pang fon unklik.”