Titus

1 Phaul, sklaaw fon Kot un aphostel fon Yeesus Kristus woo xtimt mim klaape fon Kot sayn raus kesuuchtne un ti kenau khëntnis fon te woerheet, woo mit te aanpeetung tsu Kot xtimt 2 un sich aan een hofnung fom eewiche leepe halt, woo Kot, woo net liie khan, foer lang tsayt ferxproch hot; 5 Ich hon tich in Krëta kelos tas tuu ti ferkheerte tinge noch mool in te ray xtelst, un in yeete xtat elteste in setst, tëm noo ti oryentiirunge woo ich tich kep hon: 6 een elteste mus fray fon akusatsyoon sin, man fon ploos een fraa un khiner hon woo klaapich sin un woo net akusiirt wëre khene fon een ausferxeemt orer repëlix leepe nëme. 7 Wayl wii atministratoer woo fon Kot in kesetst kep is, mus te superintentent fray fon akusatsyoon sin, un net tikhopich orer hitsich sin. Tee sol net een sifer sin, wyolënt sin orer yemant woo kiirich is fer ti tinge uneerlich fertiine. 8 Awer tee mus ti anere fraayntlich aan nëme, liipe was kuut is, ferninftich sin, kerecht, leaal un selepst kontrol hon. 9 Wën eyer in lërnt, sol eyer sich fest aan tëm troy wort hale, tas eyer uf muute khan torich ti kuut inlërnung un aach xtark aan reete khan tii woo sich keeche tiise inlërnung xtele. 10 Wayls kept fiil repëlixe mëner, layt woo fertseele was khee weyert hot un woo hinerkeen, hauptseechlich tii woo sich aan ti pexnaytung hale. 11 Un tii mise tëne sayn munt tsuu mache, wayl tiise mëner tuun noo un noo kanse familye fersaue, tuun tings in lërne woo se net thërfe un wole uneerlich tings fertiine. 12 Eene fon tëne, sayn aychne profeete, hot kesaat: “Tii woo fon Krëta sin, tuun imer liie, sin peese tiere, fresich un faulëntse.” 13 Tiise tsaye is woer. Weeche tiise uersach, tuu wayter tëne ërnst aan reete, tas se kesunt im klaape sin