Ëfeser

6 Khiner, tuut ayre eltere aan heere in eenichkheet mim Hër, wayl tas kerecht is. 2 “Eer tayne fater un tayn muter” - tas is tas eyerste kepoot mit een ferxprechung: 3 “Tas ales kuut mit tich keet, un tas tuu een lang tsayt uf te eyert playpst.” 4 “Un teyer fater, ayert net ayre khiner, awer tsiit se wayter tëm noo Yeehoowa sayn tisipliin un inlërnung.” 7 Sayt sklaawe mit een kuut atituut, wii wën teyer fer Yeehoowa tiine teet, un net fer mënxe, 11 Tuut ti kans ayse west fon Kot aan tsiie, tas teyer khent fest plaype keeche te Taywel sayn hinerlistiche pleen; 12 Wayl mer khëmpfe, net keeche pluut un flayx, awer keeche ti rechiirunge, keeche ti autoriteete, keeche ti welt rechiirente fon tiise tunkelheet, keeche ti xlechte kayste in te himlixe plëtse. 13 Weeche tas, tsiit Kot sayn komplët ayse west aan tas, wën te xlechte taach khomt, khent teyer es aus hale un, noo tas teyer ales kemacht hot, aych fest hale. 14 Soo halt aych fest, mit tëm kroose kërtel fon te woerheet, mit tëm prust xilt fon kerechtichkheet 15 un mit tëm wile fer ti kuute notisye fon friit preetiche wii xuu uf ayre fiis. 16 Ale tëm, penutst tas kroose xilt fom klaape, un mit tëm khent teyer ti kanse fayer fletxe fon tëm Xlechte, aus mache. 17 Tuu aach te ayse khap fon te rëtung aan nëme un tas xwaart fom kayst, woo Kot sayn Wort is. 18 Aan te selwich tsayt, tuut wayter, in yeete xtun, im kayst peete mit ale sort kepeet un aanhale. Un fer tas hin kriin, playpt wachsam un tuut wayter aan te haylicher tenke wën teyer aan halt. 19 Tuut aach fer mich peete tas, wën ich mayn munt uf mache, sole ti richtiche wërter fer mich kep wëre, tas ich khan mit koraaj xpreche wën ich tas hayliche kehaymnis fon te kuute notisye pekhant mache. 20 Weeche tii, xafe ich wii empayxatoer woo mit khëte fest kepun is. Un peet tas ich iwer tii mit koraaj xpreche khan, soo wii ich mache sol. 21 (…) Tikikus — liipe pruuter un troye tiiner im Hër — tuut aych tas ales pekhant mache.