1te Korinter

1 Phaul, woo keruuft këp is torich Kot sayn wile fer aphostel fon Yeesus Kristus* se sin, un Sostenes, unser pruuter, 2 fer Kot sayn kemaynt in Korinto, fer tëyer woo kehaylicht kemacht këp sayt in eenichkheet mit Yeesus Kristus*, woo keruuft këp sayt fer hayliche se wëre, mit al tii, woo in yeete plats, te naame fon unser Hër Yeesus Kristus aan ruufe tuun, Hër fon tëne un fon uns aach: 3 Tas tëyer hët unfertiint kuutheet un friit fon Kot, unser Fater, un fon Hër Yeesus Kristus. 4 Ich tuun imer fer mayn Kot weeche aych tanke, torich Kot sayn unfertiint kuutheet woo fer aych këp waar torich Yeesus Kristus;* 5 wayl in ales sayt tëyer in tëm raychlich këp, in te kans kapasiteet fer se xprëche un in te kans khëntnis, 6 wayl ti preetich iwer te Kristus is tswixich aych fest kemacht këp 7 in een aat tas es khee apiliteet fer aych feelt, wii tëyer mit xtarëk wunx waart te taach woo unser Hër Yeesus Kristus ketsaycht wërt. 8 Ëyer tuut aach aych xtarëk mache pis tsum ën, tas tëyer fray wërt fon yeete tings woo se keeche tëyer saan in tëm taach fon unser Hër Yeesus Kristus. 9 Kot is troy, is tee woo aych keruuft hot fer in eenichkheet plaype mit tëm sayn Soon, Yeesus Kristus, unser Hër. 10 Ich tuun aych uf muute, priiter, torich te naame fon unser Hër Yeesus Kristus: was teyer xprecht, sol xtime, un khee uneenichkheet sol tswixich aych kepe, awer teyer solt kans eenich sin in ayer ferxtant un in te aat fer se tenke. 11 Wayl etliche fom Kloe sayn haus hon mich etwas iwer aych kesaat, mayne priiter, tas es xtrayte tswixich aych kept. 12 Was ich saan wil, is tas yeete eene fon aych saat: “Ich keheere tsu Phaul, “awer ich tsu Apolos”, “awer ich tsu Sëfas”, “awer ich tsu Kristus”. 13 Meecht Kristus ap keteelt sin? Meecht Phaul in een phool fer aych kextorep sin? Orer, meecht tëyer in Phaul sayn naame ketaaft këp sayt? 14 Ich tanke fer Kot tas ich khee eene fon aych ketaaft hon, ploos Krispus un Kayus, 15 tas nimant saat tas tëyer in mayn naame ketaaft këp sayt. 16 Yaa, ich hon aach tii fon Xtëfanas sayn haus ketaaft. Un iwer ti anere, wees ich net op ich noch yemant ketaaft hon. 17 Wayl Kristus hot mich nët kexikt fer se taafe, awer fer ti kuute oter pekhant mache; un nët mit kluucheet fon wërter, tas Kristus sayn phool nët unutslich wërt. 20 Woo is te kluuch? Woo is te leerer fom kesëts? Woo is te xprëcher fon tiise sisteem fon tinge? Hot Kot nët ti kluucheet fon te wëlt tum kemacht? 23 Awer meyer preetiche tas Kristus uf een phoste um keprung kep is. Fer ti yuute is tas een uersach fer se xtolpere; fer ti natsyoone, een tumheet. 26 Priiter, tenkt aan te tsayte traan woo teyer keruuft kep sayt. Weeniche fon aych waare xlau foer ti aue fon te mënxe, ti meyerste waare net xtark, un weeniche sin fon wichtiche familye khom. 27 Awer Kot hot ti “tume” tinge fon te welt raus kesuucht; tes weeche hon ti xlaue sich kexeemt. Un Kot hot ti xwache tinge fon te welt raus kesuucht; tes weeche hon ti xtarke sich kexeemt. 28 Un Kot hot ti kleene tinge, tii woo niter kextelt sin un aach ti tinge woo niks tauche, raus kesuucht; soo kriit Eyer ti kiltiche tinge fernichte. 29 Tes weeche, khan nimant sich kroos foer Kot mache. 30 Awer is weeche tëm tas teyer in eenichkheet mit Yeesus Kristus sayt, woo is kluucheet fer uns fon Kot sayn sayt kewoer, un aach kerechtichkheet, tee woo ferhaylicht un macht fray torich tas fray khaaf opfer, 31 “Tee woo sich proost, sol sich weeche Yeehoowa proose.”