Xpriiche

9 Ti woer kluucheet hot sayn haus kepaut; Tii hot sayn 7 phayle aus kexnit. 2 Tii hot fiil flayx in kericht, Te wayn kemixt, Un hot aach tas tix fërtich kelos. 3 Tii hot sayn tiinerine kexikt Tas se fon te hooche pletse fon te xtat aus ruufe teete: 4 “Teyer al, woo khee speryens hot, khomt too!” Tii saat fer ti unferninftiche: 5 “Khomt, est mayn proot Un trinkt te wayn woo ich fermixt hon. 6 Kriit speryens un soo tuut teyer leepe. Keet foran ufm weech fon ferxtëntnis.” 7 Weer eene xpoter korikiirt, wërt oone respekt pehantelt, Un weer een xlecht persoon repreentiirt, pringt xaate fer sich selepst. 8 Repreentiir net te xpoter, wën net, wërt eyer tich hase. Repreentiir tee woo kluuch is, un eyer wërt tich liipe. 9 Lërn tee woo kluuch is, un tee wërt noch kluucher. Lërn tee woo kerecht is, un tee tuut noch mee wise. 10 Yeehoowa tiif respektiire is te aanfang fon te kluucheet; Un te Ale Haylichste khëne, is ferxtëntnis. 12 Wëns tuu kluuch pist, pringst tuu nutse fer tich selepst; Awer wëns tuu een xpooter pist, wërst tuu aleen too teweeche layte. 13 Ti tume fraa xprecht imer hart. Tii hot khee khëntnis un wees kraat kaar niks. 14 Tii sitst am inkang fon sayn haus, Uf een xtuul, in een hooche plats fon te xtat. 15 Un tii ruuft ti layt woo torich ti xtroos keen, Woo richt uf sayn weech laafe: 16 “Khomt hiir heyer, teyer al woo khee speryens hot!” Tii saat fer ti unferninftiche: 17 “Tas waser woo ma xteelt, is siis; Un tas proot woo ma ferxtekelt est, xmekt kuut.” 18 Awer tii wise net tas ti toote tat sin, Tas sayn inkelaatne sin tiif im Kraap.