Psalme

22 Mayn Kot, mayn Kot, warom host tuu mich im xtich kelos? Warom pist tuu wayt fer mich rete? Warom pist tuu wayt fon mayn ëngstliche yaamare? 2 Mayn Kot, ich ruufe tich torich te taach, un tuu kepst mich khee antwort; Un, torich ti nacht, tuun ich net ruych plaype. 3 Awer tuu pist haylich, Tuu pist fol loope fon Israël um tich rom. 4 Unser eltere hon sich uf tich truf ferlos; Tii hate tsufertraue, un tuu host tëne fray kemacht. 5 Tii hon tsu tich kexrayt un sin keret kep; Tii hon uf tich ketraut un sin net oone hofnung kep. 7 Ale woo mich siin, tuun mich ferxpote; Tii mache sich weenich traus un tuun sayn khop xiitele am xpote: 8 “Eyer hot sich uf Yeehoowa ferlos. Tas Eyer tëm pefraye sol! Tas Eyer tëm rete sol, wën eyer tëm soo liipt!” 10 Tsayt ich uf te welt khom sin, host tuu mich uf kephast; tsayt ich in te muterlayp waar, pist tuu mayn Kot. 15 Mayn kraft hot sich ap ketrokent wii een xtik leet xisel; Mayn tsung papt in mayn munt. Tuu nëmst mich tsum xtaap fom toot. 18 Tii ferteele mayn tsaych tswixich sich Un tii xmayse klik weeche mayn tsaych. 22 Ich tuun tayn naame fer mayn priiter pekhant mache; In te kemaynt, tuun ich tich loope. 23 Teyer woo Yeehoowa tiif respektiirt, loopt tëm! Teyer al, nookhomer fon Yaakop, kept tëm eer! Teyer, ti kanse nookhomer fon Israël, peet tëm aan! 24 Wayl Tee hot net sayn aue tsu kemacht orer sayn kesicht rom ketreet fon te xwiirichkheete fon tëm woo uner trikt is; Tee hot net sayn kesicht fon tëm ferxtekelt. Wii eyer noo hilef aan kehal hot, hot Tee aan keheert. 26 Ti tsaame tuun ese un wëre sat; Tii woo Yeehoowa suuche, tuun tee aan peete. Tas teyer fer imer leepe plaype solt.