Yoohan

5 Wii Yeesus ruf kekukt hot un kesiin hot tas eene kroose folek am khome waar, hot eyer fer Fiilip kefroot: “Woo tuun mer proot khaafe, tas se etwas ese khene?” 9 “Too is een puup mit 5 keerst proot un 2 kleene fix. Awer tas is net kenuuch fer soo fiile layt.” 11 Yeesus hot tas proot kehool, Kot ketankt un tan es keteelt mit tëne woo tat kesitst waare. Tee hot tas selwiche mit te fix kemacht. Un ti layt hon sich sat kes. 12 Wii se sat kep sin, hot eyer fer ti tisipele kesaat: “Samelt ti xtike proot woo ti layt net kes hon, tas niks ferloer wërt.” 13 Soo hon se ti xtike kesamelt fon was ti layt net kes hon fon te 5 keerst proot un tii hon 12 khërp fol kemacht. 14 Wii tas folk kesiin hot te wuner woo eyer kemacht hot, hon se kesaat: “Tas is wërklich te Profeet woo uf te welt khome solt.” 15 Tan Yeesus, woo wust tas se klaych khome teete fer tëm fange un kheenich mache, is noch mool aleen tsum përich kang. 16 Wiis tunkel kep is, sin sayn tisipele tsum meer kang. 17 Tii sin im xif in kextii un hon aan kefang tsu Kafarnaum keen. Es waar xon tunkel un Yeesus waar noch net pay tëne. 18 Te wint hot xtark keploos un tas meer is unruych kep. 19 Awer wii se unkefeer 5 orer 6 kilometer tas xif mit te reeme kelenkt hon, hon se Yeesus kesiin iwer tas meer am laafe. Tee is tichter paym xif khom un tii hon pang kriit. 20 Awer tee hot se kesaat: “Sin ich! Teyer praycht khee pang hon!” 23 Awer ti xif fon Tiperiates sin ticht hin khom, aan tas plats woo tii tas proot kes hate, noo te Hër ketankt hot. 26 Yeesus hot se keantwort: “Ich lose aych sicher: teyer suucht mich net weeche ti wunere woo teyer kesiin hot, awer wayl teyer aych sat fon proot kes hot. 27 Xaft net fer tas ese woo fertërpt, awer fer tas ese woo halt un woo tsum eewiche leepe nëmt; yaa, tas ese woo te Mënxe Soon aych kept. Wayl te Fater — yawool, Kot selepst — hot sayn selo fon kefale uf tëm ketrukt.” 29 Yeesus hot se keantwort: “Kot wil hon tas teyer aan mich klaapt, tee woo eyer kexikt hot.” 30 Too hon se tëm kesaat: “Was fer wuner tuust tuu mache, tas mer es siin un aan tich klaape khene? Was wërst tuu mache?” 32 Too hot Yeesus se kesaat: “Ich lose aych sicher: Mooses hot aych net tas proot fom himel kep, awer mayn Fater kept aych tas woere proot fom himel. 33 Wayl Kot sayn proot is tee woo fom himel runer khom is un leepe fer ti welt kept.” 35 Yeesus hot se kesaat: “Ich sin tas proot fom leepe. Weer tsu mich khomt, tuut net mee hunger hon. Un weer aan mich klaapt, tuut net mee torst hon. 37 Ale tii woo te Fater meer kept, tuun tsu meer khome, un ich tuun tee, woo tsu meer khomt, nii faart xike. 38 wayl ich sin net fom himel runer khom fer mayn aychne wile se mache, awer fer te wile se mache fon tëm woo mich kexikt hot. 39 Tas is te wile fon tëm woo mich kexikt hot: tas ich khee eene fon tëne woo eyer mich kep hot ferliire, awer tas ich tëne fom toot uf ruufe in tëm letste taach. 40 Wayl tas is te wile fon mayn Fater: tas yeete eene woo te Soon erkhënt un aan tëm klaapt, tas eewiche leepe kriit. Un ich tuun tëm im letste taach fom toot uf ruufe.” 44 Nimant khan tsu mich khome heechstens wën te Fater, woo mich kexikt hot, tëm tsiit, un ich tuun tëm fom toot uf ruufe im letste taach. 45 In te Xrifte fon te profeete xteet: ‘Tii wëre al fon Yeehoowa in kelërnt.’ Yeete eene woo te Fater aan heert un mit tëm lërnt, khomt tsu mich. 51 Ich sin tas lepeentiche proot woo fom himel runer khom is. Wën yemant fon tiise proot est, tuut eyer fer imer leepe. In woerheet, tas proot woo ich opfere tas ti welt leepe khan, is mayn flayx.” 53 Soo hot Yeesus se kesaat: “Ich lose aych sicher: wën teyer net tas flayx fom Mënxe Soon est un sayn pluut trinkt, tuut teyer khee leepe hon. 54 Weer mayn flayx est un mayn pluut trinkt, hot eewiche leepe un ich tëm im letste taach uf ruufe. 60 Wii se tas keheert hon, hon fiile fon sayn tisipele kesaat: “Tas sin harte wërter. Weer khan tas heere?” 62 Awer was teet pasiire, wën tëyer te Mënxe Soon too hin ruf keen siit, woo tee foer hëyer waar? 66 Tes weeche, sin fiile fon sayn tisipele tsurik kang fer ti tinge woo se kelos hate un sin nii mee mit tëm kang. 67 Tes weeche, hot Yeesus fer ti Tswelef kesaat: “Meecht teyer aach fat keen wole?” 68 Simon Pheeter hot fer tëm keantwort: “Hër, fer weem tuun mer keen? Tuu host ausxprechunge fon eewiche leepe. 69 Meyer klaape un meyer wise tas tuu te Hayliche fon Kot pist.” 70 Yeesus hot tëne keantwort: “Hon ich net aych tswelef raus kesuucht? Noch soo eene fon aych is een liichner.” 71 In woerheet, waar tee iwer Yuutas, soon fon Simon Iskaryotis am xpreche, ...