Ëfeser
1 Phaul, woo aphostel fon Yeesus Kristus* is, torich Kot sayn wile, fer ti hayliche woo in Ëfeso sin un woo troy in eenichkheet mit Yeesus Kristus* sin: 2 Tas tëyer unfertiint kuutheet un friit hot fon unser Kot un Fater, un fon unser Hër Yeesus Kristus. 4 Keloopt say te Kot un Fater fon unser Hër Yeesus Kristus, wayl ëyer uns keseechent hot in eenichkheet mit Kristus mit te kans kaystlich seechen in te himlixe plëtse 5 Wayl ëyer hot in foer raus kesaat tas mëyer solte wii tëm sayn khiner aan kenom wëre, torich Yeesus Kristus, soo wiis tëm kefalt un soo wiis sayn wile is, 7 Torich tëm, torich tëm sayn pluut, hon mer tas fray khaaf opfer, yaa, ti fertsayung fon unsere feeler. Soo kroos is te raychtum fon Kot sayn unfertiint kuutheet. 8 Eyer hot uns tiise unfertiint kuutheet mit kluucheet un ferxtëntnis raychlich kep, 9 wii eyer uns tas hayliche kehaymnis fon sayn wile pekhant kemacht hot. Soo wiis tëm kefalt hot, hot eyer selepst tas tsiil in kextelt 10 fer een atministratsyoon in setse wën ti pextimte tsayte sich erfiile teete, fer ale tinge in Kristus samele — ti tinge im himel un ti tinge uf te eyert. Yaa, in tëm, 11 mit weem meyer in eenichkheet sin un wii ërper in kesetst kep sin. Meyer sin foer raus keruuft kep tëm noo Kot sayn tsiil, un Kot pringt fërtich ales was eyer ëntxlist tëm noo sayn wile. 12 tas mëyer tiiner teete fer tas loop fon sayn hërlichkheet; mëyer, woo ti ëyerste waare woo aan Kristus kewaart hon. 13 Awer, tëyer hot aach aan kefang aan tëm waarte, soo wii tëyer tas wort fon te woerheet keheert hot, ti kuute oter iwer ayre rëtung. Noo tëm tas tëyer keklaap hot, hot Kot torich tëm aych een mark këp, mit tëm ferxprochne hayliche kayst, 14 woo een karantii fon unser ërpxaft is, mim opjetiiw fer tas woo tsu tëm keheere tuut, fray mache, torich een fray khaaf opfer, fer Sayn aychne hërliche loop. 15 Tes weeche, tsayt ich keheert hon iwer te klaape woo teyer aan tëm Hër Yeesus hot un iwer ti liip woo teyer fer al ti hayliche hot, 16 tuun ich aach net noo lose weeche aych peete. Ich tuun mich wayter fon aych in mayn kepeete erinere, 18 Tee hot ti aue fon ayre hërts hel kemacht, tas teyer wise khent tsu was fer hofnung teyer keruuft kep sayt, was fer hërliche raychum eyer wech tuut wii ërpxaft fer ti hayliche. 22 Hot aach ales unich tëm sayn fiis iwerkept un hot tee khop kemacht iwer ales woo mit te kemaynt se tuun hot.