Psalme

56 Helf mich, oo Kot, wayl te xtërpliche mënx mich atakiirt. Te kanse taach, tuun se keeche mich khëmpfe un mich unertrike. 2 Mayn faynte atakiire mich te kanse taach; Mit hoochmuut, tuun fiile keeche mich khëmpfe. 3 Wën ich pang kriin, traue ich uf tich. 4 Uf Kot — ich loope sayn wort —; Yaa, uf Kot ich traue; ich hon khee pang. Was khan een mënx keeche mich mache? 8 Tuu keest mit mich wën ich hiner un heyer keen. Samel mayne treene in tayn leter sak. Sin se net in tayne puuch uf kexrip? 9 Am taach woo ich noo hilef aan hale, tuun mayn faynte tsurik treete; Ich sin mich sicher: Kot is pay mich. 10 Uf Kot — ich loope sayn wort —, Uf Yeehoowa — ich loope sayn wort —, 11 Yaa, uf Kot ich traue; ich hon khee pang. Was khan een keweenliche mënx keeche mich mache? 12 Ich sin unich te juramente woo ich tich kemacht hon, oo Kot. Ich tuun tich mayn petanklichkheet tsayche. 13 Wayl tuu host mich fom toot keret Un tuu host net kelos mayn fiis xtolpere, Soo tas ich foer Kot keen khan im licht fon te lepeentiche.