1te Samuël

20 Tan, is Tawi fon Nayot, in Ramaa, aus keris, hot sich mit Yoonatan aan ketrof un hot tëm kefroot: “Was hon ich kemacht? Was fer waar mayn kriim un was fer sint hon ich keeche tayn fater kemacht, tas eyer mayn leepe wech hoole wil?” 2 Yoonatan hot keantwort: “Tas tuut nii mools pasiire! Tuu wërst net um keprung. Mayn fater tuut niks mache oone eyerst tas fer mich fertseele, een tuun ops een kroose orer een kleene sache is. Warom teet mayn fater tas fon mich ferxtekele? Tas is unmeechlich!” 5 Tawi hot tsu Yoonatan kesaat: “Moye is te nay moont (…) 12 Un Yoonatan hot fer Tawi kesaat: “Tas Yeehoowa, te Kot fon Israël, sol tsayer sin tas, moye orer iwer moye um tiise uertsayt, ich mayne fater aus frooe tuun was eyer mache wil. Wën eyer was kuutes mit tich mache wil, tuun ich yemant xike fer tich tas pekhant mache. 13 Awer, wën mayn fater was xlechtes mit tich mache wil, tas Yeehoowa mich ërnst xtroofe sol, wën ich net lose tas tuu es tsum wise kriist un in friit faart keest. Tas Yeehoowa sol mit tich sin, soo wii eyer mit mayne fater waar. 15 Tuu nii noo lose leaale liip tsayche fer tii woo fon mayn haus sin, aach wën Yeehoowa ti kanse faynte fon Tawi uf ti eyert wech xaft.” 30 Tan, is Saul wuutich mit Yoonatan kep un hot tëm kesaat: “Soon fon een repëlich fraa! Tenkst tuu tas ich net wees tas tuu wilst uf te sayt fon Jesë sayn soon plaype, fer tayn aychne xaam un fer ti xaam fon tayn muter? 31 Soo lang wii Jesë sayn soon uf te eyert leept, tuu un tayn raych wëre net in sicherheet. Un yets, xik yemant fer tëm tsu mich pringe, wayl eyer mus um keprung wëre.” 32 Awer, Yoonatan hot fer Saul, sayne fater, kesaat: “Warom mus eyer um keprung wëre? Was hot eyer kemacht?” 33 Tan, hot Saul een lants keeche tëm kexmis fer tëm um pringe; soo hot Yoonatan kemërkt tas sayn fater wërklich Tawi um pringe wolt. 42 Yoonatan hot fer Tawi kesaat: “Kee in friit, wayl meyer tswaay een jurament in Yeehoowa sayn naame soo kexproch hon: ‘Tas Yeehoowa sol fer imer tsayer tswixich tich un mich, un tswixich tayne un mayne nookhomer sin.’” Nochter, is Tawi faart kang un Yoonatan is tsurik tsu te xtat kang.