1te Samuël

16 Tan hot Yeehoowa fer Samuël kesaat: “Pis wan playpst tuu traurich weeche Saul? Ich nëme tee net mee aan wii kheenich fon Israël. Mach een horn fol mit eel un kee. Ich xike tich tsu Jesë, te woo fon Petleheem is, wayl ich hon eene fon tëm sayn soone raus kesuucht fer kheenich se sin.” 3 (...) Tuu solst fer mich salpe, tee woo ich tich tsayche.” 6 Wii se rin kang sin un Samuël Elyaap kesiin hot, hot eyer kesaat: ‘Sicher is tee te kesalpte fon Yeehoowa.’ 7 Awer Yeehoowa hot fer Samuël kesaat: “Kuk net aan wii eyer aus siit un wii hooch eyer is, wayl ich hon tëm net aan kenom. Wayl Kot siit ti tinge net soo wii te mënx; te mënx siit was es aus siit, awer Yeehoowa siit ins hërts.” 10 Too hot Jesë 7 fon sayn soone foer Samuël keprung. Awer Samuël hot tëm kesaat: “Yeehoowa hot khee eene fon tëne raus kesuucht.” 11 Tsum xlus, hot Samuël fer Jesë kefroot: “Tas sin al tayn khiner?” “Es feelt noch te yingste — hot eyer keantwort —; eyer tuut ti xeef uf phase.” Too hot Samuël tëm kesaat: “Xik yemant tëm ruufe. Meyer waarte tëm khome eep mer uns setse fer se ese.” 12 Soo hot eyer yemant kexikt tëm ruufe. Tee hat eene rootlich farp, xeene aue un hot kuut aus kesiin. “Es is tee! — hot Yeehoowa kesaat. — Xtay uf un salp tëm.” 14 Tan, Yeehoowa sayn kayst is fon Saul faart kang, un een xlechte kayst fon Yeehoowa hot aan kefang tëm unruych lose. 18 Eene fon tëm sayn helfer hot kesaat: “Ich wees tas eene fon Jesë sayn soone, te pelemiiter, khan aarich kuut harper xpiile, un tee is een koraajixe un kewaltiche kriichs man. Tee tuut kuut xpreche, siit kuut aus un Yeehoowa is mit tëm.”