Isayas

6 Uf tiise përich, tuut Yeehoowa fon te militeer tas fer ale foleke mache: Een tix fol mit aarich kuute ese, Een tix fol mit fayne wayn, Mit aarich kuute ese, woo fol mit knoche maarich sin, Mit fayne wayn, woo rayn sin. 7 Uf tiise përich, tuut eyer ti xlaye woo ti kanse foleke tekt, wech xafe, Ti tek woo iwich ti kanse natsyoone is. 8 Eyer tuut te toot fer imer wech xafe, Un te Soweraan Hër Yeehoowa tuut ti treene fon ale kesichte ap trokne. Un Eyer tuut fon te kans eyert ti xaam fon sayn folek wech hoole, Wayl Yeehoowa selepst hot tas kesaat. 9 In tee taach wërts kesaat: “Kukt mool! Tas is unser Kot! Meyer hon unser hofnung uf tëm ferlos! Eyer tuut uns rete. Tas is Yeehoowa! Meyer hon unser hofnung uf tëm ferlos! Wole mer yukse un uns fraye weeche ti retung woo fon tëm khomt.”