Lukas
21 Tan hot eyer uf kekukt, un hot ti rayche kesiin sayn kexenks kelt in te Thempel kelt khaste tuun. 2 Tan hot eyer was kesiin: een witfraa woo in neetichkheet waar, tswaay nikelche — woo neekst khee weyert hate — in tëne rin tuun 3 un saat: “In woerheet saan ich aych: Tiise aarem witfraa hot mee in te kelt kheste rin ketuun wii al ti anere. 4 Wayl al tii hon kep fon was se iwrich hate, awer tii, in iire aarmheet, hot ales rin ketuun was se hat fer leepe.” 7 Tan hon se tëm kefroot: “Leerer, wan tuun tiise tinge wërklich pasiire un was fer tsayche kepts wën tas pasiire sol?” 9 Un noch, wën iir heert iwer kriich un unruu, ferxrekt aych net. Wayl tiise tinge mise eyerst pasiire, awer tas ën wërt net klaych tëm noo khome. 10 Tan hot eyer tsu tëne kesaat: “Natsyoon tuut sich keeche natsyoon xtele un kheenichraych keeche kheenichraych. 11 Es tuut kroose eyertxutere kepe un, uf een plats noom aner, hungernoot un epitemiie; un ti layt tuun xrekliche tinge un kroose tsayche fom himel siin. 12 “Awer, eep tas ales pasiirt, tuun se aych fest nëme un yachte; tii tuun aych tsu te sinakooke un katee nëme. Un weeche mayn naame, wërt teyer foer kheeniche un rechiirente kenom. 13 Tas kept fer aych een oportuniteet fer tsaye kepe. 14 Tes weeche, ëntxlist in ayre hërts net foer heyer iipe was se saan fer aych xitse, 15 wayl ich tuun aych wërter un kluucheet kepe, tas al ayre keechner paysamer, kriins net hin sich keeche xtele orer etwas keeche saan. 19 Weeche ayre persewerans, tuut teyer ayre leepe hale. 20 “Awer, wën teyer siit tas militeer um Yeruusalem rom akampiirt, wist tas sayn fernichtung ticht is. 21 Tan, tii woo in Yuteea sin, sole fer ti përiche aus rayse; tii woo in te xtat sin, sole raus keen; un tii woo in te khemp sin, sole net in te xtat rin keen. 22 Wayl tas is ti tsayt fer kerechtichkheet pringe, fer se erfiile ales was kexrip is. 23 Xaat fer ti fraae woo xwanger sin un tii woo milich fer sayn neneche kepe! Wayl es khomt een kroos unruychkheet iwer tiise lant, un wuut keeche tiise folek. 24 Un tii tuun torich tas xwaart fale un wëre tsu ale natsyoone kefang kenom. Un Yeruusalem wërt fon te natsyoone fertreet, pis ti pextimte tsayte fon te natsyoone rom keen. 26 Ti layt tuun samer fale weeche ti pang un ëngstlichkheet weeche ti tinge woo uf te pewoont eyert pasiire tuun, wayl ti krafte fom himel wëre kexiitelt. 27 Tan, siin se te Mënxe Soon uf een wolk khome, mit macht un kroos hërlichkheet. 28 Awer wën tas aan fangt se pasiire, xtelt aych uf un tuut ayre khop uf heepe, wayl ayre retung is ticht.” 29 Too hot tee tëne een ilustratsyoon fertseelt: Peopacht te fayche paam un ti anere peem al. 30 Wën tii prote kriin, tuut teyer selepst tas siin un soo wist teyer tas te sumer ticht is. 31 In te selwiche aat, wën teyer siit tiise tinge pasiire, tan weest tas Kot sayn Raych ticht is. 34 “Awer phast aych fiil uf tas ayre hërts nii net iwerlaat wërt mit tsu fiil ese un trinke, un mit te soriche fom leepe; un soo te taach uf een mool uf aych khomt, wën teyer net waart, 35 wii een fal. Wayl tee khomt iwer ale woo uf te eyert woone. 36 Tes weeche playpt wachsam, tuut ti kans tsayt peete tas teyer khent aus rayse fon ale tiise tinge woo pasiire mise un khent foer te Mënxe Soon xteen plaype.”