Eklesyastes

11 Xmays tayn proot iwer tas waser, wayl noo fiile taache, tuust tuu tëm noch mool fine. 4 Weer noom wint kukt, tuut net seeye; un weer noo ti wolke kukt, tuut net ërnte. 5 Tuu weest net wii te kayst in krayft in te knoche fon een khint woo im muterlayp fon een xwanger fraa is; kraat soo, khënst tuu net ti aarwayt fom woere Kot, woo ales macht. 6 Tuu tayn soome moynts frii seeye, un pis fernachts los net tayn hënt ruue; wayl tuu weest net was fer soome tuut kuute resultaate kepe, tiise eene orer te anere, orer op ti tswaay kuut wëre. 7 Siis is tas licht, un es is kuut tas ti aue ti sun siin. 8 Tes weeche, wën eene man lang leept, sol eyer yeete yoer kuut aus nutse. Awer tee sol sich erinere tas ti tunkle taache khene fiile sin. Ales was noch khomt, hot khee tswek. 9 Yunge, tuu tich fraye soo lang wiis tuu noch yung pist, un tayne hërts sol froo sin in tayne yunge taache. Kee in te weech fon tayne hërts un kee woo tayn aue tich hin nëme, awer wees tas te woere Kot tich fer al tiise tinge richte tuut. 10 Tes weeche, tuu fon tayn hërts ti soriche raus hoole un nëm fon tayn khërper ti xlechte tinge wech. Wayl ti yunge yoore un ti peste taache fom leepe keen klaych rom.