Aphostele sayn Kexicht

17 Awer, fon Miletus, hot Phaul kexik ti elteste fon te kemaynt fon Ëfeso ruufe. 18 Wii se khom sin, hot eyer tëne kesaat: “Teyer wist kenau wii mich tswixich aych aan kextelt hon, tsayt te eyerste taach wii ich uf Asya sayn prowins ketreet hon. 19 Ich hon wii sklaaw fer te Hër kexaft, mit kans teemuut un treene in mayn aue, un hon ich fiile proope weeche ti yuute sayn xlechte pleen kelit. 20 In te selwich tsayt, hon ich net noo kelos se xpreche was fer aych nutslich is un aych puuplix un haus tsu haus in se lërne. 21 Awer ich hon tsaye in een komplët aat kep, fer ti yuute un fer ti kreeker. Ich hon fer tëne al kesaat tas se sole sich raue, sich tichter pay Kot khome un klaape aan unser Hër Yeesus hon. 22 Un yets, weeche ti lënkung fom hayliche kayst, tuun ich tsu Yeruusalem reese, ale tëm wees ich net was tat pasiire tuut. 23 Ich tuun ploos wise tas, fon xtat tsu xtat, tuut te hayliche kayst mich noo un noo foer raus saan tas katee un xwiirichkheete mich waarte tuun. 24 Toch, mayn leepe is net wichtich fer mich. Was wichtich fer mich is, is tas: mayn xpringe pis tsum ën xpringe un te tiinst woo ich fom Hër Yeesus kriit hon, fërtich pringe — es wil saan — een komplët tsaye kepe fon te kuute notisye iwer Kot sayn unfertiint kuutheet. 26 Tan, sayt tëyer hayt tsayer, tas ich fom pluut fon ale mënxe sauwer sin, 27 wayl ich hon mich net tsurik kehal Kot sayn kanse wile fer aych pekhant se mache. 28 Halt acht iwer aych selepst un iwer ti kans trop xeef — iwer weem te hayliche kayst hot aych wii superintentente in kesetst — tas teyer Kot sayn kemaynt wii xeefer uf phase tuut, woo Eyer mit tëm pluut fon sayn aychne Soon kekhaaft hot. 29 Ich wees tas, wën ich faart keen, tuun peese wolfe pay aych khome un tii tuun net ti xeef mit liip uf phase, 30 un, tswixich aych selepst, tuun mënxe tsum foer xayn khome woo fertreetne tinge saan fer ti tisipele hinich sich nëme. 33 Ich hon nii silwer, kolt, orer tsaych fon yemant kewinxt 35 Ich hon aych in ales ketsaycht tas iir solt xweyer xafe, fer ti xwache helfe un ti wërter fom Hër Yeesus in te ketanke pehale, woo kesaat hot: ‘Kepe pringt mee frooheet wii kriin.’” 37 Al hon aan kefang fiil se prile. Too hon se Phaul um kekrif un liiplich kekhus,