Psalme

6 Tii woo sich uf iire kelt ferlose Un woo sich proose weeche sayn kroos raychtum, 7 Khee eene fon tëne khan een pruuter rete Orer fer Kot een opfer kepe fer tee fray khaafe 8 (Te prays fer tëne sayn leepe rete is tsu tayer; Tas is imer mee wii tii petsaale khene), 9 Tas eyer fer imer leept un tas kraap nii siit. 10 Te man siit tas ti kluuche aach xtërpe kenau soo wii ti tume un unferninftiche, un lose iire raychtum fer ti anere. 11 Inerlich winxe se tas iire hayser fer imer plaype, iire parake xeneratsyoon noo xeneratsyoon. Tii hon sayn naame tsu iire aychentum kep. 12 Awer te man, wën eyer aach influens hot, tuut net plaype, eyer is net peser wii ti tiere woo xtërpe. 13 Tas is te weech fon te tume un tii woo tëne noo keen, woo xpas hon in tëne sayn leyere wërter.