1te Timoteus

2 Tës weeche, tsu ëyerste, tuun ich xtarëk aan muute tas iir aan halt, peet, ferlangt fer anere un tankt Kot fer ale saarte layt, 2 fer kheeniche un al tii woo in een hooch xtël sin, tas mëyer wayter een ruu leepe hon khëne, mit een komplët un ërnst aanpeetung tsu Kot. 3 Tas is kuut un kefalt Kot, unser Reter, 4 woo wil tas ale sorte layt keret kepe un een kenau khëntnis fon te woerheet kriin. 5 Wayl es kept ploos eene Kot un een mitler tswixich Kot un ti mënxe: een mënx, Kristus Yeesus 6 woo sayn leepe ap kep hot wii een fray khaaf opfer, mit tëm selwich weyert. Iwer tas wërt tsayer in te richtiche tsayt kep. 7 Fer tiise tsaye këpe, sin ich aphostel un preeticher in kesëts këp — ich saan ti woerheet, ich tuun nët liie —, ich sin leerer fon te natsioone iwer te klaape un ti woerheet. 8 Tës weeche, ich winxe tas in yeete plats ti mëner wayter peete tuun, ti leaale hënt uf heepe, oone wuut un oone kexpreeche woo xtrayte uf hëtse tuun. 9 Kraat soo, sole ti fraae kexayt tsaych aan tsiie un sich aanmeesich ferxmike mit kuute ferxtant, net mit kefleechte hoer woo tsu fayn sin, kolt, phërle orer tsaych woo tsu tayer is, 10 awer mit kuute aarwayte, soo wii es richtich is fer ti fraae woo saan tas se Kot aan peete. 11 Tas ti fraa lërnt ruych se plaype, mit teemuutichkheet. 12 Ich erlaup nët tas ti fraa in lërne tuut aach nët autoriteet iwer te man tsaycht, awer tas se ruych plaype sol. 13 Wayl Aatam waar te ëyerste woo kemacht këp is, nochter Ewa. 14 Aach, Aatam is nët hiner kang woer, awer ti fraa is kans hiner kang woer un is sintlich këp. 15 Awer, ti fraa wërt kerët wën se muter këpt, awer fer tas mus se wayter im klaape plaype, in te liip un in te haylichkheet, un een kuute ferxtant hon.