Richter

3 Ti israeliiter hon tsu Yeehoowa kexraayt, wayl Japim hat 900 kriich ween mit ayse sichele un hat xon torich 20 yoore ti israeliiter krop uner ketrikt. 4 Tëpora, een profeetin, fraa fon Lapitot, hot in tiise tsayt Israël kericht. 5 Tii waar keweent sich unich te phalm fon Tëpora setse, tswixich Ramaa un Petël, in te përich rechyoon fon Efraiim; ti israeliiter sin tsu tii ruf kang fer Kot sayn kericht tsum wise kriin. 6 Tii hot kexikt Parak ruufe, soon fon Apinoan, fon Këtes-Naftalii, un tii hot tëm kesaat: “Yeehoowa, te Kot fon Israël, tuut tich tas xike: ‘Kee tsum Tapoor përich un nëm 10.000 mëner fon Naftalii un Sepuloon mit tich. 7 Ich tuun Siisera, xëf fon Japim sayn militeer, mit sayn kriichs ween un sayn militeer, aan te Kisom flus, tsu tich pringe un tee in tayn hënt kepe.’” 14 Tëpora hot tan fer Parak kesaat: “Kee, wayl tas is te taach woo Yeehoowa Siisera in tayn hënt kept. Is es net Yeehoowa woo foer tich keet?” Too, is Parak mit sayn 10.000 mëner fom përich Tapor runer kang. 16 Parak hot ti kriichs ween un tas militeer pis Harosët fon te natsyoone keyacht. Soo, tas kans militeer fon Siisera is torich tas xwaart um khom; khee eene hot iwerleept. 17 Awer Siisera is tsu fuus tsu te parak fon Jaël, fraa fon Hëper, te keniiter, aus keris, wayl es hat friit kep tswixich Japim, kheenich fon Hasoor, un tas haus fon Hëper, te keniiter. 21 Awer Jaël, fraa fon Hëper, hot een xpitse xtok fon te parak un een hamer kehool. Tan wii Siisera kaput miit tiif in kexloof is, is tii heelich ticht pay tëm khom un hot mim hamer tëm xpitse xtok Siisera sayn khop torich kextoch un fest ufm pootem kexlaa. Soo, is tee kextorep.