Xpriiche

18 Yemant woo sich aleen halt, suucht sayn aychne ekoiistixe winxe. Tee xtost ti kanse praktixe kluucheet ap. 2 Te tum tuut sich net mit ti ferxtëntnis fraye; Kefalt eyer mee ferprayte was eyer im hërts hot. 4 Ti wërter fom man sayn munt sin wii tiife waser. Ti kwel fon kluucheet is wii een pach woo iwerlaaft. 10 Yeehoowa sayn naame is een xtark thorm. Te kerechte xpringt tat rin un kriit xuts. 11 Te rayche sayn raychtum is wii een tsu ketsauntne xtat; In sayn ketanke is es wii een xits mauer. 13 Een antwort kepe foer ti sache heere Is een tumheet un een xaam. 15 Tas hërts fom ferxtëntiche mënx kriit khëntnis, Un tas oer fon te kluuche mënxe suucht ti khëntnis. 17 Weer eyerst xprecht, siit imer richtich aus, Pis ti anere khome un tëm too triwer frooe. 18 Torich klik, wëre ti tsënkeray aans ën keprung, Un tas resolwiirt propleeme unich mechtiche faynte. 19 Es is laychter in een ferxtërkte xtat rin keen wii friit mit een pruuter woo pelayticht is mache; Un es kept xtrayte woo soo wii ti richele fon een kastël sin. 21 Toot un leepe sin in te macht fon te tsung; Tii woo ti kërn penutse, tuun sayn friichte ëse. 22 Ti persoon woo een kuut fraa fint, fint was kuutes, Un eyer kriit Yeehoowa sayn tsuxtimung. 24 Welche fraaynte sin fërtich fer eene te anere in xtike mache, Awer es kept een fraaynt woo sich fester traan halt wii eene pruuter.