Isayas

26 In tiise taach wërt tiise liit in Yutaa lant kesung: “Meyer hon een xtark xtat. Tee xtelt ti retung wii sayn mauer un kraape 2 Macht ti toore uf, tas ti troy natsyoon rin keet, Een natsyoon woo wayter troy playpt. 3 Tuu tuust xitse tii woo uf tich kans traue; Tuu tuust tëne een friit xenke woo net ferkeet, Wayl se uf tich traue tuun. 4 Tuut fer imer aan Yeehoowa traue. Wayl Yah Yeehoowa is te eewiche Fels. 7 Te weech fon ti kerechte is richt. Wayls tuu aach richst pist tuust aach te weech fon ti kerechte eepen mache. 8 Wën mer te weech fon tayn kerechtichkheet noo keen, oh Yeehoowa. Unser hofnung is aan tich. Meyer sin tayn naame un erinerunge am waarte. 9 In te nacht, suuche ich tich mit mayn kans hërts, yaa, mayn kayst tuut tich wayter suuche; Wayl wëns tuu ti eyert richte tuust, tuun tii pewooner fon ti eyert kerechtichkheet lërne. 10 Wëns tuu yemant woo xlecht is kuut pehanteslt, tuut tee net ti kerechtichkheet lërne. Wën tee aach iim kerecht lant is, mach tee was xlecht is un siit net Yeehoowa sayn hërlichkheet. 11 Oh Yeehoowa, tayn hant is in ti hee, awer tii siin se net. Tii siin tayn flaysichkheet torich tayn layt un wëre ferxeemt. Yaa, tas fayer, woo fer tayn faynte weech ketuun is, tuut se fernichte. 12 Oo Yeehoowa, tuu tuust uns friit kepe, wayl ales was mer kemacht hon, waar weeche tayn kraft. 15 Tuu host ti natsyoon kreeser kemacht, Oo Yeehoowa, Tuu host ti natsyoon kreeser kemacht; Tuu host tich ferhaylicht. Tuu host ale krense fon tiise lant aus kexpant. 19 “Tayne toote tuun leepe. Ti toote khërper fon mayn folek tuun uf xtaye. Wacht uf un tuut yukse, Teyer woo im xtaap woont! Wayl tayn tau is wii te moynts tau, Un tii, oone kraft im toot, tuut ti eyert ins leepe khome lose. 20 Keet, mayn folek, keet in ayre tsimere rin Un macht ti teere hinich aych tsu. Ferxtekelt aych fer een tsayt Pis ti wuut torich keet.