1te Pheeter

5 Soo ich — woo aach een elteste sin, tsayer fon Kristus sayn layte un woo aach teel hon aan te hërlichkheet woo ketsaycht wërt — hale aan fer ti elteste unich aych: 2 phast Kot sayn trop xeef uf, woo aych iwer kep is; tiint wii superintentente, net wayl iir mist, awer fraywilich foer Kot; aach net weeche liip tsu uneerlich kelt, awer mit muut; 3 un xtelt aych net aan wii hëre iwer tii woo Kot sayn ërpxaft sin, awer wërt payxpiile fer ti trop. 4 Un wën te haupste xeefer taytlich ketsaycht wërt, tuut teyer ti eewich kroon fon hërlichkheet kriin. 5 Kraat soo, teyer yinger mëner, tsaycht respekt fer ti mëner woo elter sin. Awer, teyer al, tsiit aych aan mit teemuut eene mit te anere, wayl Kot xtelt sich keeche ti hoochmuutiche, awer tee xenkt unfertiint kuutheet fer ti teemuutiche. 6 Tes weeche, macht aych kleen, uner Kot sayn mechtich hant, tas eyer aych in te richtich tsayt kroos macht, 7 wii teyer ayre kanse soriche uf tëm wëreft, wayl Eyer aych uf phast. 8 Sayt ferninftich; playpt wachsam! Ayre faynt, te Taywel, laaft um aych rom wii een leep woo krumt, un suucht yemant fer se frese. 9 Awer, xtelt aych keeche tee, fest im klaape, wayl teyer wist tas ti kans pruuterxaft uf te welt tas selwiche eelent mit macht. 10 Awer, noo tas teyer fer een khorts tsayt kelit hot, te Kot fon te kans unfertiint kuutheet, woo aych tsu Sayn eewich hërlichkheet in eenichkheet mit Kristus keruuft hot, tuut ayre iipung fërtich pringe. Tee tuut aych fest mache, tee tuut aych xtark hale, tee tuut aych fest xtele. 13 Tii woo in Papiloon is — woo soo wii aych raus kesuucht kep is — tuut aych kriise un aach Markus, mayn soon. 14 Pekriist eene ti anere mit een liiplich khus. (...)