Romaaner

5 Soo, yets woo mer kerecht aus kexproch kep sin weeche te klaape, wole mer uns fraye weeche te friit mit Kot torich unser Hër Yeesus Kristus. 2 Torich unser klaape aan tëm, hon mer aach ti unfertiint kuutheet kriit woo mer yets hon. Un wole mer uns fraye weeche ti hofnung fer teel mache in Kot sayn hërlichkheet. 3 Un noch mee, wole mer uns fraye wën mer torich xwiirichkheete keen; wayl mer wise tas in te xwiirichkheete lërne mer aus hale, 4 un wën mer aus hale, kefale mer Kot; un wën mer Kot kefale, kriin mer hofnung, 5 un meyer khene wërklich traue aan te hofnung woo mer hon; wayl Kot sayn liip is in unser hërts aus kexut kep torich te hayliche kayst woo mer kriit hon. 8 Awer Kot hot ketsaycht wii fiil eyer uns liipt, wayl Kristus is fer uns kextorep wii meyer noch sinter waare. 10 Meyer waare Kot sayn faynte; awer, torich te toot fon sayn Soon, sin mer mit Tëm fereenicht kep. Un yets woo mer fereenicht sin, is es noch sicher tas mer keret wëre torich sayn leepe. 11 Un net ploos tas, awer meyer fraye uns weeche was Kot kemacht hot torich unser Hër Yeesus Kristus; torich tëm, sin mer yets mit Kot fereenicht. 12 Too teweeche, soo wii torich een mënx ti sint in te welt khom is, un torich ti sint te toot, soo hot sich te toot tsu ale mënxe ferprayt, wayl se al kesint hate... 13 Wayl ti sint hot xon in te wëlt eksistiirt eep tas Kesëts, awer, wëns khee kesëts këp, nimant is wëche sinte kericht. 14 Noch soo, hot te toot fon Aatam pis Mooses rechiirt, soo kaar iwer tii woo net kesint hate kraat soo wii Aatam kesint hot, woo eenlich is wii tee woo khome solt. 15 Awer tas kexënk is nët wii te feeler. Wayl, wën torich te feeler fon een eensiche man fiil xtërpe tuun, wii fiil raychlicher is ti unfertiint kuutheet fon Kot un sayn kexënk, torich ti unfertiint kuutheet fon een eensiche man, Yeesus Kristus! 18 Tes weeche, soo wii torich een feeler, mënxe fon ale sort kextrooft kep sin, soo wëre aach torich een akt fon kerëchtichkheet, mënxe fon ale sort kerëcht kexproch fer tas leepe. 19 Wayl, soo wii torich ti unfolichkheet fon eene mënx, sin fiile mënxe tsu sinter kemacht kep, soo aach, torich ti folichkheet fon ploos eene mënx, wëre fiile tsu kerechte kemacht. 21 Mit was fer opjetiiw? Tas, soo wii ti sint mit te toot rechiirt hot, soo aach, teet ti unfertiint kuutheet torich ti kerechtichkheet rechiire un tsum eewiche leepe nëme, torich Yeesus Kristus, unser Hër.