Matheus
3 “Froo sin tii woo erkhëne tas se Kot sayn lenkung prayche, wayl Kot sayn Raych, woo im himel is, keheert tsu tëne. 4 “Froo sin tii woo prile, wayl se ketreest wëre. 5 “Froo sin tii woo een tsaam temperament hon, wayl tii wëre ti eyert ërpe. 6 “Froo sin tii woo noo te kerechtichkheet hunger un torst hon, wayl se sat wëre. 7 saat: “Froo sin ti parmhërtsliche, wayl tii wëre mit parmhërtslichkheet pehantelt.”” 9 “Froo sin ti friitxafer, wayl se Kot sayn khiner kenënt wëre. 10 “Froo sin tii woo keyacht sin weeche ti kerechtichkheet, wayl tas Raych fom himel keheert tsu tëne. 11 “Froo sayt iir wën, weeche mich, ti layt aych ferxtumpiire, yachte un ale xlechte liie keeche aych saan. 12 Frayt aych un wërt fol mit frooheet, wayl ayre peloonung is kroos im himel; wayl es waar soo tas ti profeete foer heyer keyacht kep sin. 14 “Teyer sayt tas licht fon te welt. Ma khan net een xtat ferxtekele woo uf een përich is. 15 Ti layt mache een lamp aan un tuun se net uner een khorp, awer uf een xtënter, un tii tuut iwer ale woo im haus sin, xayne. 16 In te selwich aat, lost ayer licht foer te mënxe xayne tas tii ayre kuut aarwayt siin khene un tas tii ayer Fater, woo im himel is, loope sole. 23 “Tes weeche, wëns tuu tayn opfer tsu te altar nëmst un tat tenkst tuu traan tas tayn pruuter etwas keeche tich hot, 24 los tayn opfer tat, foer te altar, un kee faart. Mach eyerst friit mit tayn pruuter, un tan kee tsurik un mach tayn opfer. 25 “Wën een faynt tich foers kericht nëmt, tuu ti sache mit tëm fiks resolwiire, soo lang wii teyer pis tëm kericht plats keet. Wën net, khan tayn faynt tich tsu te richter ap kepe, un te richter tsu te soltaat fom kericht plats, un tan wërts tuu in te katee kexmis. 26 Ich khan tich sicher saan: tuu khomst net fon tat raus pis tuu tayn letste nikelche petsaalst.” 27 Teyer hot keheert wiis kesaat kep is: ‘Tuu solst net sëks aus ti hayrat mache.’ 28 Awer ich saans aych, tas yeete eene woo wayter noo een fraa kukt un lust tsu tëne xpiirt, hot xon im hërts atultëryo mit tëne kemacht. 29 Wën tayn rechts au tich tsum xlechtes fiirt, tan rop es aus un xmays es wech. Es is peser tas tuu een teel fom khërper ferliirst, als tas tayne kanse khërper in te Xehena keworeft wërt. 30 Un wën tayn recht hant tich tsum xlechtes fiirt, tan hak se ap un xmays se wech. Es is peser tas tuu een teel fom khërper ferliirst, als tas tayne kanse khërper in te Xehena keworeft wërt. 34 Awer ich saan aych: teyer solt kaar khee juramënt mache (…) 37 Wën teyer “yaa” saat, tas sol “yaa” petayte; un wën teyer “nee” saat, tas sol “nee” petayte. Wayl te rest khomt fom Xlechte. 43 “Teyer hot keheert wiis kesaat kep is: ‘Liip tayn neekste un has tayn faynt.’ 44 Awer, ich saan aych: tuut wayter ayer faynte liipe un peet fer tii woo aych yachte tuun; 45 soo, tuut teyer tsayche tas teyer khiner fon ayre Fater sayt, woo in himel is. Eyer lost sayn sun uf keen iwich ti xlechte un ti kuute un lost es reene iwich ti kerechte un ti unkerechte. 46 Wayl, wën teyer liipt tii woo aych liipe, was fer peloonung fertiint teyer? Meechte tii woo xtayer ferlange, net tas selwiche mache? 47 Un wën teyer ploos ayre priiter pekriist, meecht tas was ekstras sin? Meechte ti layt fon te natsyoone net tas selwiche mache? 48 Tes weeche, sayt perfekt, soo wii ayre himlixe Fater perfekt is.