Psalme

32 Froo is tee woo sayn iwertreetung fertsayt kriit, woo sayn sint ketekt kriit. 2 Froo is te man woo fon Yeehoowa khee xult kriit, un woo in sayn kayst khee falxheet is. 3 In te tsayt woo ich ruych keplip sin, sin mayn knoche ferxmols wayl ich te kanse taach keyaamert hon. 4 Wayl im taach un in te nacht waar tayn hant xweyer uf meer. Mayn kraft is wii waser in te hits fon een trokne somer taach ferkang. (Selaa) 5 Ëntlich, hon ich mayn sint fer tich kepaycht; Ich hon mayn feeler net ferxtekelt. Ich hon kesaat: “Ich tuun mayn sinte fer Yeehoowa paychte.” Un tuu host mayn feeler un mayn sinte fertsayt. (Selaa) 6 Tes weeche, tuun ale tii woo troy sin fer tich peete In te tsayt woos tuu noch kefun wëre khanst. Soo, noch net mool ti waser fon een iwerxwemung tuun tee petrefe. 7 Tuu pist fer mich een ferxtekelt plats; Tuu tuust mich fon te unruychkheet xitse. Tuu wërst um mich rom sin mit frooe yukse fon pefrayung. 8 “Ich tuun tich ferxtëntnis kepe un tich in lërne im weech woos tuu keen solst. Ich tuun tich aanreete kepe mit mayn aue uf tich traan kehal. 9 Sayt net wii te kaul orer wii te muule, woo khee ferxtëntnis hon, woo sayn wiltheet mit tsaam un halefter kontroliirt mus wëre, tas se sich lënke lose. 10 Ti xlechte mënxe hon fiile xmërtse; Awer tee woo aan Yeehoowa traut, tuut Sayn leaale liip um tëm rom hon. 11 Frayt aych in Yeehoowa un yukst, teyer kerechte; Yukst fon frayt, teyer al woo een kerecht hërts hot.