Lukas

15 Al tii woo xtayer kopriire un ti sinter hon sich kesamelt um iim rom fer iim horiche. 2 Un ti fariseer un ti xrayper hon kekrumelt: “Tiise man nëmt ti sinter kuut aan un est mit tëne.” 3 Tan hot tee tëne een ferklaychung fertseelt: 4 “Was fer man tswixich aych woo 100 xeef hot, un woo eens fon tëne ferliirt, tuut net ti anere 99 hiner im tesërt lose, un tas ferloerner suuche, pis wën eyer tas fint? 5 Un, wën eyer tas fint, tuut se uf sayn xule un frayt sich. 6 Un wën tee hëm khomt, ruuft eyer samer sayn fraaynte un nochpere, un saat: ‘Frayt aych mit meer, wayl ich hon mayn ferloerne xeefche kefun.’ 7 Un ich saan aych: Kraat soo, wërt im himel mee frayt kepe weeche eene sinter woo sich peroyt, als iwer 99 kerechte woo sich net peroye prayche. 8 “Was fer fraa woo tseen trakme hot, macht nët een lamp aan, wën se een trakma ferliirt, un kheert tas haus un tuut mit acht suuche pis tii es fint?” 9 “Un wën se tii fine tuut, ruuft se sayn fraaynte un nochpere tsusamer un saat: ‘Fray aych mit meer, wayl ich hon ti trakme kefun, tii woo ich ferloer hon.’” 10 Ich saan aych tas, kraat soo tuun ti engele fon Kot sich fraye weeche een sinter woo sich peroyt. 13 Phaar taache xpeeter, hot te yingste puup ales was eyer hat kesamelt un is pis een wayte lant kerees. Tat hot eyer sayn kans ërpxaft in een ausferxeemt leepe fertrip. 17 Wën tee aan sich khom is, hot eyer kesaat: ‘Wii fiil aarwayter fon mayn fater khene sich sat fom proot ese, un ich sin too fon hunger am xtërpe! 18 Ich tuun tsurik pay mayn fater sayn haus reese, un tëm saan: “Fater, ich hon keeche te himel un keeche tich kesint. 19 Ich tuun net mee fertiine wii tayne soon kenënt wëre. Tuu mich wii eene fon tayne aarwayter pehantle.’” 20 Soo, is eyer uf kextii un pis sayne fater kang. Wii tee noch wayt wech waar, hot sayn fater iim kesiin un hot mitlayt kexpiirt; tan is eyer kexprung, un hot tëm um kekrif un liiplich kekhust. 21 Te soon hot tan fer tëm kesaat: ‘Fater, ich hon keeche te himel un keeche tich kesint. Ich tuun net mee fertiine wii tayn soon kenënt wëre.’ 22 Awer te fater hot fer sayne sklaawe kesaat: ‘Xnel! Pringt een lang tsaych, ti pest, un tuut tëm mit tëne aan tsiie, un tuut tëm een ring uf te finge, un santalie aan sayne fiis. 23 Pringt aach eene fet hëmes, xlacht tëm, un wole mer ese un fayre, 24 wayl mayne soon, tee too, waar toot un is noch mool am leepe; tee waar ferloer un is wiiter kefun kep.’ Un tii hon aan kefang se fayre.