Isayas

55 Khomt teyer al woo torstich sayt, khomt tsu tas waser! Teyer woo khee kelt hot, khomt, khaaft un est! Yaa, khomt un nëmt wayn un milich oone kelt un oone khoste petsaale! 2 Warom tuut teyer wayter kelt aus kepe mit was khee proot is, Un warom kept teyer ayre loon aus mit was aych net tsufriite lost? Horicht mich mit acht un est was kuut is, Un teyer tuut tas peste esmitel xmeke. 3 Heert un khomt tsu meer. Kept mich acht, un teyer tuut wayter leepe, Un ich mache sicher een eewiche pakt mit aych Woo xtimt mit te troye pewaysunge fon leaale liip tsu Tawi. 4 (…) Een fiirer un rechiirente fer ti natsyoone. 6 Suucht Yeehoowa soo lang wii tee sich fine lost. Ruuft iim soo lang wii tee ticht is. 7 Te xlechter sol sayn weech lose, Un tee woo xaate macht, sayn ketanke; Tee sol retuer tsu Yeehoowa khome, woo parmhërtslich mit tëm wërt; Tee sol tsurik tsu unser Kot khome, wayl Eyer tuut iim krooshërtslich fertsaye. 8 “Wayl mayn ketanke sin net soo wii ayre ketanke, Un mayn weeche sin net soo wii ayre weeche”, saat Yeehoowa. 9 “Wayl soo wii te himel heecher wii ti eyert is, Soo sin mayn weeche heecher wii ayre weeche, Un mayn ketanke, heecher wii ayre ketanke. 10 Wayl, soo wii te reen un te xnee fom himel runer fale Un tuun net tsurik khome eep se ti eyert kans nas mache un mache tas tii fruchtpar wërt un pliie tuut, Un soo kept se soome fer tii woo seeye tuun un proot fer tii woo ese tuun, 11 Soo wërt tas wort sin woo fon mayn munt raus khomt. Es tuut net tsurik tsu meer khome oone sich erfiile, awer es is sicher tas es macht was mich kefalt, un tuut tas opjetiiw, fer tas woo ich se kexikt hon, sicher erfiile. 13 ... Tas wërt eere pringe fer Yeehoowa, Tas wërt sin een eewiche tsayche, woo nii ferkeen wërt.