Nuumere

6 Yeehoowa hot aach fer Mooses kesaat: 2 “Saa fer ti israeliiter: ‘Wën eene man orer een fraa een spetsyaal ferxprechung macht fer een nasireer fer Yeehoowa sin, 3 mus te persoon sich wech hale fon wayn un fon anere alkohooliche ketrenk. Tee sol khee esich aus wayn orer aus anere alkohooliche ketrenk trinke. Tee sol niks trinke woo fon traupe khomt, aach net ti traupe ese, op tas friix orer ketrokent is. 4 Tee sol khee frucht fon te traupe krist ese, fon kriine traupe pis ti xaal, torich ti kanse taache fon sayn nasireerxaft. 5 “‘Aan te kanse taache fon sayn nasireerxaft, tee sol khee rasiir meser uf sayn hoer torich tsiie. Tee mus haylich plaype, un sayn hoer wakse lose pis ti tsayt am ën keet woo eyer ekstra fer Yeehoowa leept. 6 Eyer sol net ticht khome fon een toot mënxliche khërper torich ti kans tsayt woo eyer fer Yeehoowa ekstra ketuun kep is. 7 Aach wën sayn papa, sayn mama, sayn pruuter orer sayn xwester xtërpt, tee thërft net unrayn wëre, wayl tee uf sayn khop te tsayche hot tas eyer nasireer fer sayn Kot is. 8 “‘Eyer is haylich fer Yeehoowa ti kanse taache fon sayn nasireerxaft. 22 Yeehoowa hot tan fer Mooses kesaat: 24 “Yeehoowa seechne tich un pexitse tich. 25 Yeehoowa los Sayn kesicht iwer tich xayne un tich unerxtitst. 26 Yeehoowa sol tich mit kuutheet siin un tich friit kepe.”’ 27 Un tii tuun mayn naame iwer tas folek Israël aan ruufe tas ich tëne seechne tuun.”