Romaaner
2 Tsum payxpiil, ti ferhayrat fraa is torich kesets aan sayn man ferpun soo lang wii eyer noch leept; awer, wën te man xtërpt, wërt se fray fom kesets fon sayn man. 4 Soo, mayne priiter, teyer sayt aach fer tas Kesets kextorep, torich Yesus sayn khërper, tas teyer tsu eene aner keheere teet, tsu tëm woo fom toot uf keruft kep is, soo khene mer frucht fer Kot kepe. 6 Awer yets sin mer fon tëm Kesets fray kemacht kep, wayl mer kextorep sin fer tas woo uns um kehal hot. Tes weeche khene mer in een naye aat sklaaw sin, torich tëm kayst, un net torich ti alter aat, torich een ufkexripte kesets. 13 Soo, meecht tas was kuut sin, hot mich tsum toot kenom? Sicher nët! Awer ti sint hot tas kemacht, tas se wii sint ketsaycht wërt, un mich tsum toot nëmt torich was kuut is, un soo, torich tas kepoot, tuut ti sint fiil xlimer wëre. 14 Wayl mer wise tas tas Kesets kaystlich is, awer ich sin flayxlich, wii een sklaaw woo tsu te sint ferkhaaft kep is. 15 Wayl ich ferxteen net warom tuun ich soo in krayfe. Wayl ich tuun net mache was ich mache wil, awer ich mache was ich hase. 16 Awer, wën ich mache was ich net mache wil, erkhëne ich tas tas Kesets kuut is. 17 Awer tan, sin net mee ich woo am in krayfe sin; es is ti sint woo in mich woont. 18 Wayl ich wees tas in mich — es wil saan, in mayn flayx — woont niks kuutes; wayl ich hon te wunx fer se mache was kuut is, awer ich hon net ti kapasiteet fer tas mache. 19 Wayl ich mache net tas kuutes woo ich mache wil, awer ich mache tas xlechtes woo ich net mache wil. 20 Tan, wën ich mache was ich net mache wil, sin net ich woo tas mache; es is ti sint woo in mich woont. 21 Soo, ich mërke tiise kesets in mayn situatsyoon: wën ich tas richtiches mache wil, xteet in mich was xlecht is. 22 Te mënx woo ich inwënich sin, tuut sich wërklich aan Kot sayn kesets fraye, 23 awer ich siin in mayn khërper een aner kesets woo khëmpft keeche tas kesets fon mayn ferxtant, un tas tuut mich wii kefangne fom kesets fon te sint nëme, woo in mayn khërper xteet. 24 Was een eelentiche man sin ich! Weer tuut mich fray mache fon tiise khërper woo mich tsum toot nëmt? 25 Ich loope Kot, torich Yeesus Kristus, unser Hër! Soo, mit mayn ferxtant, sin ich selepst sklaaw fon Kot sayn kesets, awer mit mayn flayx, sin ich sklaaw fom kesets fon te sint.