1te Korinter
15 Yets, priiter, wil ich aych erinere ti kuute notisye woo ich fer aych kepreeticht hon, woo teyer aan kenom hot un sich aan tëne fest kehal hot. 2 Torich tii sayt teyer aach keret, wën teyer aych fest aan ti kuute notisye halt, woo ich fer aych pekhant kemacht hon. Sonst net, weyers fer niks woo teyer klaapich kep sayt. 3 Wayl tswixich ti eyerste tinge woo ich aych kep hon, waar was ich aach kriit hon: tas Kristus is fer unser sinte kextorep, tëm noo te Xrifte; 4 tas eyer pekraapt waar un tas eyer in tëm triite taach uf keruuft waar, tëm noo te Xrifte, 5 un is foer Sëfas tsum foer xayn khom, nochter foer ti Tswelef. 6 Noo tëm is eyer foer mee wii 500 priiter uf een mool tsum foer xayn khom. Ti meyeste fon tëne sin noch mit uns, opwool etliche xon im toot in kexloof sin. 7 Noo heyer, is eyer fer Tyako un tan fer ti kanse aphostele, tsum foer xayn khom. 8 Tsum xlus, is eyer fer mich tsum foer xayn khom, wii fer yemant woo foer te tsayt uf te welt khom is. 9 Wayl ich sin te kleenste fon te aphostele, un ich fertiine net wii aphostel keruuft wëre, wayl ich hon Kot sayn kemaynt keyacht. 10 Awer, weeche Kot sayn unfertiint kuutheet, sin ich was ich sin. (…) 14 Awer, wën Kristus net uf keruuft kep is, tan hot unser preetich aarwayt kaar kheen tswek, un unser klaape hot aach kaar kheen tswek. 17 Un, wën Kristus net uf keruuft kep is, ayre klaape hot khee weyert; iir playpt wayter in ayre sint. 18 Tan, tii woo in eenichkheet mim Kristus im toot in kexloof sin, sin aach fer imer ferloer. 19 Wën meyer noore in tiise leepe unser hofnung uf Kristus kesetst hon, prayche meyer tan mee ketauert wëre wii ale anere layt. 20 Awer Kristus is fon te toote uf kextii, te eyerst woo uf keruuft waar fon tëne woo im toot in kexlof sin. 21 Soo wii te toot is torich eene man khom, tas ufxtaye fom toot khomt aach torich eene man. 22 Wayl, soo wii in Aatam ale xtërpe, soo aach in Kristus tuun ale leepe kriin. 23 Awer yeete eene wën sayn mool in te ray is: Kristus, te eyerste woo uf keruuft is; noo heyer tii woo tsu Kristus keheere, torich sayn presëns. 24 Un noo heyer khomt tas ën, wën eyer tas Raych fer sayn Kot un Fater ap kept, wën eyer yeete raych, autoriteet un macht fernicht hot. 25 Wayl eyer mus rechiire pis Kot ale faynte unich tëm sayn fiis hin tuut. 26 Un te letste faynt, te toot, wërt tsu niks kemacht. 27 Wayl Kot “hot iim ale tinge unich ti fiis hin ketuun”. Awer, wën eyer saat tas ‘ale tinge sin hin ketuun kep’, is es sicher tas Tee, woo ale tinge hin ketuun hot, net tepay is. 28 Awer wën ales unich tëm sayn macht wërt, tan tuut te Soon selepst aach sich unich Tëm xtele, woo ales tëm kep hot, soo tas Kot ales fer ale layt wërt. 29 Wën es net soo weyer, was mache tii woo sich taafe mit tëm tswek fer te toot kriin? Wën ti toote wëre kaar net uf keruuft, warom tuun se sich mit tiise tswek taafe? 30 Warom sin mer aach yeete xtun ins kefoer? 31 Yeete taach xteen ich foer te toot. Priiter, tas is soo sicher wii mayn frayt iwer aych, woo ich in Yeesus Kristus, unser Hër, xpiire. 32 Wën ich, soo wii anere mëner, keeche wilte tiere in Ëfeso kekhëmpft hon, fer was tiint mich tas? Wën ti toote net uf keruuft wëre, tan “wole mer ese un trinke, wayl moye xtërpe mer”. 33 Lost aych net hiner keen. Xlechte keselxafte fersaue kuute kewoonheete. 34 Pringt ayre ferninftichkheet tsurik un macht was kerecht is; tuut net sinte ( incompleto ) 35 Awer, yemant tuut saan: “Wii wëre ti toote uf keruuft? Yaa, mit was fer sort khërper tuun se khome?” 36 Tume persoon! Was tuu seest praucht eyerst xtërpe, eep es lepeentich kemacht wërt. 37 Un was tuu seest is net te khërper woo sich entwikele tuut, awer ploos een khërnche — een wayts soome, orer een aner sort soome; 38 awer Kot kept iim een khërper tëm noo was Tëm kefalt; un fer yeete soome kept eyer sayn aychne khërper. 39 Net ale ti khërper sin ekaal: ti mënxe hon een sort khërper, ti rints fii anere, ti feechel anere un ti fixe noch anere. 40 Un es kept himlixe khërper un eyertliche khërper, awer ti hërlichkheet fon te himlixe khërper is fon een sort un ti hërlichkheet fon te eyertliche khërper is fon aner een sort 41 Ti Sun, te moont un ti xtërne hon yeete eene sayn aychne hërlichkheet. In woerheet, ti hërlichkheet fon yeete xtërn is eensich. 42 Soo is tas aach im ufxtaye fon te toote. Wërt keseet te khërper woo net fer imer halt, un tuut uf xtaye te khërpe fer eewich hale. 43 Es wërt oone ere keseet, es wërt in eere uf keruuft. Es wërt in xwacheet keseet, es wërt in kraft uf keruuft. 44 Es wërt een flayxliche khërper keseet, es wërt een kaystliche khërper uf keruuft. Wën es eene flayxliche khërper kept, kepts aach een kaystliche. 49 Un, soo wii mer tas pilt sin fon tëm woo fom xtaap kemacht kep is, wëre mer aach tas pilt sin fon tëm woo himlix is. 51 Meyer tuun net al im toot in xlofe, awer meyer tuun al ferënert wëre, ( incompleto ) 52 in een kleen xtun, xnel wii ti aue plinsle, torich te letste trompeet ruf. ( incompleto ) 53 Wayl tas woo weelich plaype khan, mus sich aan tsiie mit was nët weelich plaype khan, un tas woo xtërplich is, mus sich fon tas woo unxtërplich is, aan tsiie. 55 “Toot, woo is tayn kewiine? Toot, woo is tayn angel?” 57 Awer tankt Kot, wayl tee uns kewine macht torich te Hër Yeesus Kristus! 58 Tes weeche, mayne liipe priiter, sayt fest, net waklich, un tuut imer fiil se tuun hon im Hër sayn aarwayt, un wist tas ayer xweyer aarwayt im Hër net umsonst is.