1te Timoteus

1 Phaul, aphostel fon Yeesus Kristus torich tas kepoot fon Kot, unser Retner, un fon Yeesus Kristus, unser hofnung, 2 fer Timoteus, echte soon im klaape: Ich winxe tich unfertiint kuutheet, parmhërtslichkheet un friit fon Kot, te Fater, un fon Yeesus Kristus, unser Hër. 3 Soo wii ich tich uf kemuut hon fer in Ëfeso plaype wii ich tsu Matsetoonya keen wolt, soo tuun ich es yets mache, tas tuu etliche persoone xikst khee aner inlërnung aus teele 4 un aach net acht kepe fer falxe kexichte un xenealoxiie. Tiise tinge pringe niks kuutes. Tii tuun ploos tsu unutslich unersuuchunge nëme, xtats etwas fon Kot pringe woo mim klaape se tuun hot. 5 In woerheet, ti opjetiiw fon tiise kepoot is ti liip woo fon een phuer hërts khom, fon een kuut kewise un fon een klaape oone falxheet. 6 Etliche sin fon tiise tinge hiner kang kep un sin ap kelënkt kep fer unutslich sich fermaule. 11 tas xtimt mit te hërliche kuute notisye fom frooe Kot, woo tsu mich ketraut kep sin. 12 Ich sin petanklich tsu Yeesus Kristus, unser Hër, woo hot mich kraft kep. Tee hot mich een tiinst fertraut wayl foer tëm waar ich troy kewees, 13 opwool friier waar ich een ferfluucher, yachter un hoochnaasiche man. Awer es waar mich parmhërtslichkheet ketsaycht wayl ich wust net was ich am mache waar un hat khee klaape. 14 Toch, ti unfertiint kuutheet fon unser Hër waar seer kroos kewees, tsusamer mit tëm klaape un ti liip woo in Yeesus Kristus is. 15 Ma khan aan tiise wërter traue un tii fertiine kans aan kenom wëre: Yeesus Kristus is tsu te welt khom fer sintiche layt rete. Tswixich tëne, sin ich te xlimste. 17 Fer te Kheenich fon eewichkheet, unxtërplich, woo ma nët siin khan, te eensiche Kot, tuu eere un hërlichkheet fer imer un eewich fer tee këpe. Amem. 18 Timoteus, mayn soon, ich fertraue tich tiise kepoot, tëm noo ti profetsiie woo iwer tich kemacht waare, soo tas tuu torich tii, wayter te kuute kriich khëmpfst, 19 un tayn klaape un een kuute kewise halst, woo welche neewe kelos hon un, weeche tas, is sayn klaape wii een xif uner kang.