Aphostele sayn Kexicht

28 Wii mëyer xon in sicherheet waare, hon mer tsu wise kriit tas ti insel Malta keheest hot. 2 Tii woo in te insel kewoont hon, hon kroos kuutheet ketsaycht. Tii hon fayer kepaut un hon uns al kuut aan kenom, wayls kereen hot un khalt waar. 11 Tray moonate tëm noo, sin mer fat kang in een xif woo “Tseeus sayn Soone” wii xtaatue foer tas xif hat. Tas xif waar fon Alexantriia un is in winter uf te insel keplip. 13 (...) un mer sin am tsweete taach tsu Putëoli khom. 14 Tat, hon mer priiter ketrof un tii hon uns noo un noo ferlangt fer mit tëne torich siwe taache plaype. Un tan, sin mer tsu Roma kang. 15 Wii ti priiter fon tat notisye iwer uns tsu wise kriit hon, sin se tsu ti Apyo Prasa un tsu te Tray Tawërne kang fer uns aan se trefe. Wii Phaul tii kesiin hot, hot eyer fer Kot ketankt un sich uf kemuut kexpiirt. 16 Wii mer tan in Roma rin kang sin, hon se erlaupt tas Phaul aleen woone teet, awer mit een soltaat woo tee uf phase teet. 17 Tray taache tëm noo, hot Phaul ti haupste mëner fon te yuute aan keruuft. Wii se fersamelt waare, hot ëyer kesaat: “Mëner, priiter, opwool ich niks keeche mayn folek kemacht hon orer keeche ti kewoonheete fon unsere ferwantere, sin ich in Yeruusalëm in kexpërt woer, un in te hënt fon te romaaner ap këp. 22 (...) was mer iwer tiise sekt wise is tas iweraal tuun ti layt keeche tii xpreche.” 23 (...) torich een komplët tsaye iwer Kot sayn Raych, hot eyer fersuucht tëne iwer Yeesus in reete, tëm noo Mooses sayn Kesets un ti Profeete. 30 Soo, is eyer tat torich tswaay kanse yoere keplip, in tëm haus woo eyer kemiit hat, un eyer hot ale woo tëm pesuucht hon kuuthërtslich aan kenom. 31 Eyer hot tëne iwer Kot sayn Raych kepreeticht un iwer te Hër Yeesus Kristus in kelërnt. Eyer hot tas mit fiil koraaj kemacht un niks hot tëm um kehal.