Romaaner

14 Nëmt aan te man woo xwacheete hot, awer xtrayt net weeche unerxiitliche mënunge. 2 Eene man sayne klaape erlaupt iim fon ales ese, awer tee woo xwach is, est ploos kemiise. 3 Tee woo est, sol net runer setse weer net est, un weer net est, sol net richte tee woo est, wayl Kot hot tee aan kenom. 4 Weer pist tuu fer te tiiner fon yemant anere richte? Es is fer sayn aychne hër tas eyer playpt xteen orer falt. Yaa, tee tuut xteen plaype, wayl Yeehoowa khan mache tas eyer xteen playpt. 5 Een persoon tenkt tas eene taach wichticher wii ti anere is. Fer een aner persoon, sin ale taache ekaal. Yeete eene mus ti sicherheet in sayn aychne ketanke hon. 7 Khee eene fon uns leep ploos fer sich selëpst, un nimant xtërep ploos fer sich selëpst. 8 Wayl, wën mer leepe, leepe mer fer Yeehoowa un wën mer xtërpe, xtërpe mer fer Yeehoowa. Soo, wën mer leepe orer xtërpe, keheere mer tsu Yeehoowa. 9 Wayl mit tiise opjetiiw is Kristus kextorep un is noch mool ins leepe khom: fer Hër se sin fon te toote wii fon te lepeentiche. 10 Awer warom tuust tuu tayn pruuter richte? Un tuu, warom tuust tuu tayn pruuter niter setse? Wayl mëyer al mise foer Kot sayn kericht khome. 12 Soo, yeete eene fon uns tuut aprechnunge mit Kot weeche sich selepst mache. 13 Tes weeche tuut net mee eene te anere richter, awer xtats tas, sayt pextimt fer kheen xtolpere xteen orer etwas woo khent tayn pruuter fale mache foer tëm tuun. 15 Wayl, wën tayn pruuter sich pelayticht weeche was tuu ese tuust, tan, pist tuu net mee am laafe tëm noo te liip. Yeesus is fer al kextorep, tes weeche, lost nimant sich ferliire weeche was tuu est. 19 Tan, wole mer ales was meechlich is mache fer te friit suuche un fer uns naner uf muute. 20 Lost noo Kot sayn aarwayt um mache ploos weeche tas ese. Es is woer tas ales rayn is; awer es is net kuut tas te mënx est wën es anere xtolpere macht. 21 Es is peser khee flayx ese, khee wayn trinke un kaar niks mache woo khent tayn pruuter xtolpere mache.